爽爽麵店 (已搬遷) 新店位置

呢间系我一个月食几次嘅餐厅之一，原因好简单，就系好食+抵食啰！我通常都会叫双并，但今日唔太饿，所以就叫咗单并醉鸡米粉，冰鲜鸡嚟嘅，$35一碗！朋友就叫咗醉鸡猪扒米粉，都系冰鲜鸡，猪扒一定要拣肥猪扒先好食，瘦猪扒太柴好鞋口唔好食的！朋友𠮶碗就$51！ 呢到可以指定醉鸡嘅部位，要脾位𠮶啲都唔使加钱，不过我个人就钟意食鸡胸，啖啖肉吖嘛！朋友拣咗鸡下脾，餐厅系浸熟啲鸡嘅，所以望落可能有少少生，有啲血水渗出嚟咁，但应该都食得，我都系钟意鸡胸嘅口感多啲！另外，每碗都有几块鸡肾，可以过下口瘾，散叫一份鸡肾好似系$20，menu冇写的！熟客先知有得咁叫架！