影片
更多
2024-03-23
18 浏览
去唔到日本食蟹，唯有响香港揾间日本餐厅食新鲜活蟹顶住先。铜锣湾蟹庆推出一个特选会席套餐二人前，当中包括：松叶蟹肉三文鱼籽沙律、蟹肉多士、季节刺身3点、黑鱼子海胆蟹肉蒸蛋、日本时令活蟹、松叶蟹甲罗烧、浜烧鳕场蟹、松叶蟹釜饭、汤、甜品。餐厅位于铜锣湾最旺嘅地段，交通超方便，装修就系日式居酒屋风格，卡位坐得好舒服，又添加了一份隐私感。松叶蟹肉三文鱼籽沙律松叶蟹肉好鲜甜，同三文鱼籽一齐混合，口感丰富。沙律酸甜适中，带出松叶蟹肉嘅鲜味，呢个前菜好清新，好开胃。蟹肉多士好酥脆，铺满蟹肉同蟹籽，蟹肉嘅鲜甜juicy同多士嘅酥脆口感结合得好好，每一啖嘅口感都好丰富。黑鱼子海胆蟹肉蒸蛋非常滑嫩，黑鱼子同海胆带出一种浓郁嘅海洋嘅鲜味。蟹肉嘅鲜味同蒸蛋嘅滑入口嘅口感配得好好，令平凡的蒸蛋变得不平凡。日本时令活蟹系毛蟹活蟹用蒸嘅方法去煮，保留左蟹嘅鲜味。蟹膏好多，装满晒整个蟹壳，比蟹肉更加鲜甜，非常邪恶。蟹壳已经预先剪开，用工具好简单就可以挖到蟹肉，非常贴心。蟹肉真系非常新鲜，肉质结实，食得出系活蟹，完全系置身日本嘅感觉。松叶蟹甲罗烧卖相好吸引，烧过嘅蟹膏甜味更加浓郁，咸香嘅味道配埋脆脆嘅米饼，味道好丰富。浜
去唔到日本食蟹，唯有响香港揾间日本餐厅食新鲜活蟹顶住先。
铜锣湾蟹庆推出一个特选会席套餐二人前，当中包括：松叶蟹肉三文鱼籽沙律、蟹肉多士、季节刺身3点、黑鱼子海胆蟹肉蒸蛋、日本时令活蟹、松叶蟹甲罗烧、浜烧鳕场蟹、松叶蟹釜饭、汤、甜品。
餐厅位于铜锣湾最旺嘅地段，交通超方便，装修就系日式居酒屋风格，卡位坐得好舒服，又添加了一份隐私感。
松叶蟹肉三文鱼籽沙律松叶蟹肉好鲜甜，同三文鱼籽一齐混合，口感丰富。沙律酸甜适中，带出松叶蟹肉嘅鲜味，呢个前菜好清新，好开胃。
蟹肉多士好酥脆，铺满蟹肉同蟹籽，蟹肉嘅鲜甜juicy同多士嘅酥脆口感结合得好好，每一啖嘅口感都好丰富。
黑鱼子海胆蟹肉蒸蛋非常滑嫩，黑鱼子同海胆带出一种浓郁嘅海洋嘅鲜味。蟹肉嘅鲜味同蒸蛋嘅滑入口嘅口感配得好好，令平凡的蒸蛋变得不平凡。
日本时令活蟹系毛蟹活蟹用蒸嘅方法去煮，保留左蟹嘅鲜味。蟹膏好多，装满晒整个蟹壳，比蟹肉更加鲜甜，非常邪恶。蟹壳已经预先剪开，用工具好简单就可以挖到蟹肉，非常贴心。蟹肉真系非常新鲜，肉质结实，食得出系活蟹，完全系置身日本嘅感觉。
松叶蟹甲罗烧卖相好吸引，烧过嘅蟹膏甜味更加浓郁，咸香嘅味道配埋脆脆嘅米饼，味道好丰富。
浜烧鳕场蟹肉烧烤得啱啱好，保留住鳕场蟹嘅原汁原味，带出浓郁嘅海鲜香气。点埋特制蟹醋，鲜味又提升去另一个层次。
松叶蟹釜饭热辣辣，蟹钳同黑松灵混入饭里面，吸收晒蟹肉嘅鲜味，黑松露独特嘅味道，好match，好满足.
张贴
