影片
更多
2022-12-16
33 浏览
网上见到人食呢间餐厅嘅酥皮麻辣鸡煲，卖相好吸引，加上有得打埋边炉，于是约埋友人圣诞节之前食一次！餐厅好就脚，只距离尖沙咀港铁站A出口一两分钟！晚市套餐分Set A至Set E ，拣咗中价位C餐限时120分钟，成人收费$398另加一，已包一客头盘、汤底、海鲜盘、美国牛肉大满贯、另外40几种火锅配料、饮品、甜品，好多选择，深得我心！➺➺头盘：原创酥皮麻辣芝士鸡煲一心谂住食呢个酥皮芝士鸡煲，点知原来佢头盘有成七个选择，另外嘅烤鱼、卜卜蚬都好吸引，最后都保持初衷！个鸡煲一上，就闻到好浓烈嘅酥皮烤焗味，好香！酥皮有少少焦㶶反而更香口，层层分明，好松软，果然无拣错！鸡煲加入左适量芝士、个汁少辣好惹味，饱滞感唔强烈，好快就清晒转打边炉！➺➺海鲜盘+送龙趸片有五款海鲜：鲍鱼、扇贝、青口、海虾、蚬，都好新鲜！今个月系龙趸之月，每个客人仲送一片有份量嘅龙趸片，冇骨又厚身，啖啖肉！➺➺美国牛肉大满贯以木盒盛载8款澳洲和牛及美国进口牛肉，卖相精致唔多好，本身系靓牛肉，牛味好香浓又软稔！➺➺火锅汤底：怀旧沙嗲汤底本身打边炉都钟意偏浓汤底，呢排打边炉又真系冇拣过沙嗲汤底，心血来潮想试，呢个汤底少少辛辣咸香，后味甘
➺➺头盘：原创酥皮麻辣芝士鸡煲
一心谂住食呢个酥皮芝士鸡煲，点知原来佢头盘有成七个选择，另外嘅烤鱼、卜卜蚬都好吸引，最后都保持初衷！个鸡煲一上，就闻到好浓烈嘅酥皮烤焗味，好香！酥皮有少少焦㶶反而更香口，层层分明，好松软，果然无拣错！鸡煲加入左适量芝士、个汁少辣好惹味，饱滞感唔强烈，好快就清晒转打边炉！
➺➺海鲜盘+送龙趸片
有五款海鲜：鲍鱼、扇贝、青口、海虾、蚬，都好新鲜！今个月系龙趸之月，每个客人仲送一片有份量嘅龙趸片，冇骨又厚身，啖啖肉！
➺➺美国牛肉大满贯
以木盒盛载8款澳洲和牛及美国进口牛肉，卖相精致唔多好，本身系靓牛肉，牛味好香浓又软稔！
➺➺火锅汤底：怀旧沙嗲汤底
本身打边炉都钟意偏浓汤底，呢排打边炉又真系冇拣过沙嗲汤底，心血来潮想试，呢个汤底少少辛辣咸香，后味甘甘甜甜，又唔算太抢食材鲜味！
➺➺自助自家制饮品
除咗一般罐装饮品，餐厅仲提供几款自家制蓝泡茶：玄米茶、荔枝茶、柠檬茶，一啲都唔甜，啱晒健康人士，又消济！
➺➺精选甜品
除咗一般杯装雪糕，最特别系有凉粉芋圆特色甜品，芋圆暖暖地绵绵糯糯！
➺➺其他自助食材
Scan QR code可以无限落单其他几十款食材，生蚝胀卜卜大大粒好好味！超过20款嘅蔬菜及丸类可以到自助区自取！另外自助区仲摆放左一啲凉菜、炸物俾客人自取，原来炸烧卖口感都几好！
餐厅仲搞小噱头，每枱客可以到出面扭蛋机扭蛋一次，扭蛋入面张纸仔有唔同优惠，我抽到下次全单85折！
张贴
