金鶴拉麵 (蜆殼街)

营业中

休息中

之前试过土瓜湾个间分店，觉得佢d食物都几高质，最近经过炮台山见到呢度又开左分店，谂都冇谂就行左入去食。.比起土瓜湾分店，呢间分店的座位比较少，但反而我觉我更有日式小店的风味。.呢间餐厅鳗鱼饭是必食的。所有鳗鱼饭都系即造，但呢20分钟系绝对值得等待。食鳗鱼饭最惊餐厅企图用好浓味的烧汁盖过唔新鲜的鳗鱼。但我食过第二次，觉得呢间的鳗鱼鲜味十足，同一般的雪藏鳗鱼完全系两会事。😍肉质鲜嫩，而且鱼肉有一定厚度，铺满白饭的面，分量绝不吝啬！采用左日本七星米做白饭底，鱼同饭都好高质！够胆讲我绝对会食第三次！.店内都有数款汤底的拉面选择，今次拣左黑蒜味，比起上次的鸡白汤较咸香，我钟意食拉面饮少少汤，佢个汤底又唔会咸到饮唔落又或者饮完好口渴。配菜慢煮赤鸡同叉烧口感软嫩，仲有我最爱的半熟溏心蛋，吸收埋黑蒜汤底仲正😋..小食鸡泡鱼干配埋沙律酱好难会唔好食🤤我今次去到日本餐厅都必点的小食，呢间的鱼干唔会烧到好干，口感咬落较软，好岩d唔钟意咬到牙软的朋友。