夏銘記

营业中

休息中

好钟意喺佐敦揾嘢食，因为食品种类繁多、有特色、而且性价比较高。今日经过一间「夏铭记面家」，见到食客叫咗碟大大条嘅鱼片吸引住，决定入去试吓。鲜炸黄金鱼片（一条）一条足足有半尺长嘅黄金鱼片十分吸睛，一上碟就闻到阵阵鱼香味，外层松脆，内里松软，鱼肉味鲜甜浓郁，感觉好似食咗好多条鱼，呢个必食。净食鱼蛋食咗个鱼片之后，决定试埋个鱼蛋，果然冇令我失望。鱼蛋质感比鱼片较弹牙，鱼肉嘅密度好高，用料十足。葱花鹅肠捞面除咗主打鱼蛋之外，仲有我最钟意嘅鹅肠，鹅肠份量不少，而且几大条，食落爽脆，味道甘甜，清洗得非常干净。餐厅奉上秘制酱汁，酱汁挂上鹅肠上，真系食唔停口。捞面还跟上一碗葱花鱼汤，味道鲜甜，有别于其他餐厅。水饺米粉（加紫菜）可以用皮薄馅靓嚟形容，猪肉和虾嘅比例适中，虾肉够弹牙，配上木耳，味道够正中。