影片
更多
2023-06-26
1040 浏览
💁♀️💁♂️ 13/6/2023(Tue), Dinner🍽食得川式嘅水煮鱼、酸菜鱼多，今次💁♀️为食妙妙同💁♂️A先生就去食黎自台湾知名既过江龙火锅店 @鼎王麻辣锅 既麻辣锅同酸菜白肉锅，品尝另一种风味。餐厅装饰走中式路线，环境濶落，卡座够大方便摆放火锅既食物，放完枱面都唔会觉得迫👍👍👍。而今晚我地order咗：🔆 鸳鸯锅（$78/位）选择困难症嘅人拣呢个就最适合，有齐两款汤底鼎王麻辣锅同埋酸菜白肉锅，唔使谂食晒两款味道。麻辣锅就可以选择大、中、小辣；而酸菜白肉锅就可以拣大、中、小酸，各自按自己喜好去拣，我哋就采取中庸之道，拣咗中辣同中酸😋😋😋。鸳鸯锅嘅造型似一个鼎，麻辣锅𠮶边有一层红色嘅牛油浮喺面，汤底用上蔬果、中药类辛香料熬制，味道醇厚有层次，辣得来入口顺喉浓稠。锅入面嘅鸭血同埋豆腐都可以90分钟内无限添加，鸭血由台湾直送，入口爽滑、筷子🥢挟起又唔会松散，质素很高👍🏻。豆腐质感实在，煮过一阵之后吸引咗汤底嘅味道，单食都好吸引😋。酸菜白肉锅则有大量切幼条嘅酸菜，容易入口，味道唔会太酸，加上薄片嘅猪肉，整锅汤底清香酸爽，正好中和返麻辣锅比较浓稠嘅口感。同样地90分钟内都系可以无限添加
💁♀️💁♂️ 13/6/2023(Tue), Dinner🍽
食得川式嘅水煮鱼、酸菜鱼多，今次💁♀️为食妙妙同💁♂️A先生就去食黎自台湾知名既过江龙火锅店 @鼎王麻辣锅 既麻辣锅同酸菜白肉锅，品尝另一种风味。餐厅装饰走中式路线，环境濶落，卡座够大方便摆放火锅既食物，放完枱面都唔会觉得迫👍👍👍。而今晚我地order咗：
🔆 鸳鸯锅（$78/位）选择困难症嘅人拣呢个就最适合，有齐两款汤底鼎王麻辣锅同埋酸菜白肉锅，唔使谂食晒两款味道。麻辣锅就可以选择大、中、小辣；而酸菜白肉锅就可以拣大、中、小酸，各自按自己喜好去拣，我哋就采取中庸之道，拣咗中辣同中酸😋😋😋。
鸳鸯锅嘅造型似一个鼎，麻辣锅𠮶边有一层红色嘅牛油浮喺面，汤底用上蔬果、中药类辛香料熬制，味道醇厚有层次，辣得来入口顺喉浓稠。锅入面嘅鸭血同埋豆腐都可以90分钟内无限添加，鸭血由台湾直送，入口爽滑、筷子🥢挟起又唔会松散，质素很高👍🏻。豆腐质感实在，煮过一阵之后吸引咗汤底嘅味道，单食都好吸引😋。
酸菜白肉锅则有大量切幼条嘅酸菜，容易入口，味道唔会太酸，加上薄片嘅猪肉，整锅汤底清香酸爽，正好中和返麻辣锅比较浓稠嘅口感。同样地90分钟内都系可以无限添加酸菜，食得畅快。
🔆 招牌手工三色滑（$158）有台湾直送既瑶柱滑丶蟹🦀️滑同埋虾🦐滑，每款都用料十足，瑶柱滑入口有瑶柱嘅味道，仲感觉到有丝丝嘅瑶柱丝；蟹🦀️滑既蟹味浓郁亦有点点蟹黄提味；虾🦐滑食落弹牙，更有粒粒虾肉增加口感。
🔆 老油条（8条）（$68）老油条都系台湾直送既食材，轻轻浸汤几秒索尽汤底嘅味道，仍有脆口松脆嘅口感。
🔆 浓香豆皮(4个）（$68）侍应提示要煮3分钟左右先好食，好在有佢提醒，如果唔系我哋都以为系好似响铃咁浸一浸汤就食得。煮完之后豆皮索晒汤汁，腍腍地又入味又有豆味、比起响铃又系另一种食法。
🔆 牛小排拼去骨鸡髀🍗肉（$208）牛小排油花分布平均，轻轻灼一灼入口嫩滑有肉味同油脂香，两个人食份量刚好。去骨鸡髀🍗肉食落嫩滑弹牙，配酸菜白肉汤底都好搭配。
🔆 精选海鲜拼盘（$258）有海虾🦐、广岛蚝🦪、北海道带子、日本扇贝，每款都有四件/只，用一大盘冰镇住上枱，份量绝对够两个人食。虾🦐唔算十分大只，但有虾味弹牙；广岛蚝🦪都算大只，煮完嫩滑有蚝味；其余带子同扇贝都弹牙好食，轻灼一阵就可以。
🔆 手切牛黄喉（$88）即系牛嘅大动脉，简单灼一阵食落爽脆弹牙，口感几特别。牛黄喉无乜味道，配合返浓味既麻辣汤底吸收一下汤汁，爽爽脆脆咁都几特别、几好食。
🔆 三得利生啤（白）700ml（$96）清爽易入口嘅生啤，大大杯咁配火锅都唔错。
🔆 波萝碧海（$48）
卖相蓝色够清凉，入口菠萝🍍香甜，味道不错。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：9/🔟
👉🏻 台式风味十足，侍应服务周到，餐厅设计都好贴心，卡座既枱侧边有USB插头，方便为电话充电🔋
A先生车友指数 🚗
🛣️ 交通容易指数：🚗🚗🚗🚗🚗(5/5)
🅿️ 泊车容易指数：🚗🚗🚗🚗(4/5)
👉🏻 泊车建议考虑美丽华广场🅿️，系贵少少🤏但就方便
👉🏻 各区都有巴士线🚌路经弥敦道，港铁🚇站行过嚟都系5分钟左右，十分方便
🔆🔆🔆🔆🔆🔆🔆🔆🔆🔆🔆🔆🔆
张贴
