影片
更多
2018-03-11
257 浏览
如果唔系男友好钟意揾新餐厅同我食，我真系会错过喺「V Point」嘅嘉门铁板烧Kamon Teppanyaki，食完之后真系好推荐大家，可以试下呢度嘅铁板烧，同平日食开比较油腻或者传统嘅完全唔同。店内装潢非常细致，神秘又华丽，再加埋一望无际无柱遮挡嘅无敌维港夜景，气氛真系超好，餐厅经理话如果放烟花日子，佢地更会打开外墙玻璃趟门，令到无敌夜景更加无遮无挡，甚至可以听到烟花嘅声tim！另外，餐厅更有2间VIP房，其中一间更有独立厕所同休息区，可以成班朋友一边叹美食，一边享有高嘅隐私度，确实系聚会好地方，不过VIP房有最低消费，预约前不妨打去问问。餐厅坐位不多，所以非常松动，长长嘅铁板烧枱可以欣赏师傅厨艺，一边睇住厨师席前为顾客烹调，一边望住咁靓嘅夜景，实在非常写意！季节精选前菜三款前菜令人食欲大增，特别值得一提嘅系鸭胸卷，鸭胸卷内有茄子，以自制酸汁浸著，味道清新很讨好！日式煮花螺以竹签串起，不但卖相更美观，轻轻一拉就可以食花螺肉，方便又细心，螺肉煮得入味而且又很鲜甜。𩽾𩾌鱼肝满满脂香味道，口感软滑，厨师巧妙地利用酸汁，减低𩽾𩾌鱼肝嘅油腻感。本身套餐没有刺身同寿司，可是真的想试试，所以跟男友
我真系会错过喺「V Point」嘅嘉门铁板烧Kamon Teppanyaki，
食完之后真系好推荐大家，可以试下呢度嘅铁板烧，
同平日食开比较油腻或者传统嘅完全唔同。
店内装潢非常细致，神秘又华丽，
再加埋一望无际无柱遮挡嘅无敌维港夜景，气氛真系超好，
餐厅经理话如果放烟花日子，佢地更会打开外墙玻璃趟门，
令到无敌夜景更加无遮无挡，甚至可以听到烟花嘅声tim！
另外，餐厅更有2间VIP房，其中一间更有独立厕所同休息区，
可以成班朋友一边叹美食，一边享有高嘅隐私度，确实系聚会好地方，
不过VIP房有最低消费，预约前不妨打去问问。
餐厅坐位不多，所以非常松动，长长嘅铁板烧枱可以欣赏师傅厨艺，
一边睇住厨师席前为顾客烹调，一边望住咁靓嘅夜景，实在非常写意！
季节精选前菜
三款前菜令人食欲大增，特别值得一提嘅系鸭胸卷，
鸭胸卷内有茄子，以自制酸汁浸著，味道清新很讨好！
日式煮花螺以竹签串起，不但卖相更美观，
轻轻一拉就可以食花螺肉，方便又细心，
螺肉煮得入味而且又很鲜甜。
𩽾𩾌鱼肝满满脂香味道，口感软滑，厨师巧妙地利用酸汁，
减低𩽾𩾌鱼肝嘅油腻感。
本身套餐没有刺身同寿司，可是真的想试试，
所以跟男友另外单点了寿司同埋刺身三点，果然没有令人失望。
刺身三点
太新鲜了吧！！！
个人觉得唔系间间铁板烧餐厅都可以同时兼顾铁板烧同刺身都咁好食，
但系嘉门真系做到呢一点！
带子刺身新鲜到不得了，真想多点一份，
若非店员话套餐有好多嘢食食，我谂我一定会再嗌嚟食。
左口鱼刺身配火炙左口鱼裙边
左口鱼刺身
师传切得非常薄身，肉质爽弹新鲜，
入口味道带淡但能食到鱼生嘅鲜甜。
火炙左口鱼裙边
经火炙后嘅左口鱼裙边油脂甘香，入口鱼香味道强烈，
跟刺身完全食法不一样，非常滋味！
刺身寿司师传巧手手艺，再加以独门嘅酱汁，令寿司味道更升华！
甜虾寿司
这个甜虾加以师传独门特调嘅酱汁，食起嚟非常鲜味，
入口爽脆，新鲜度爆灯。
黑松露中拖罗寿司
中拖罗鱼脂非常香，而黑松露经过火炙，
入口脆身又能带出黑松露香味，口感和味道层次丰富。
日本甘鲷配甘笋忌廉汁
这个甘鲷鱼简直系惊喜之作，因为食落同平日嘅铁板烧做法好唔同。
新派嘅煮法令甘鲷一D都唔油腻，利用铁板焗至熟透，鱼肉非常软滑，
而鱼皮和鱼鳞烧得又脆又香口，实在配合得天衣无缝。
连鱼鳞都可以整咁好食咁香口，实在师传功力深厚同创新。
日本龙虾伴海胆忌廉汁配龙虾浓汤
嚟到嘉门铁板烧最令我大开眼界同认为必食嘅一定系龙虾。
好多时餐厅都会用波士真顿龙虾或者法国蓝龙虾等等，
而佢地就算用咗日本龙虾，原因系日本龙虾肉质弹牙而且味浓，
即使成本较高但亦绝对能带出不一样嘅味道同口感。
师傅将日本龙虾尾部切开后，
就会将虾头部份拿入厨房蒸煮，蒸煮好后就会制作龙虾汤，
而呢个龙虾汤同平日饮嘅100％完全唔一样，
因为系采用全亚洲唯一一部昆庭龙虾机，
通过挤压方法将龙虾精华挤压出来，龙虾汤味道好似系成只龙虾饮落肚咁浓味。
呢部机由法国订做回来，全人手制造，花咗足足超过半年时间，
价值过百万，全世界只有11部，而亚洲就只有嘉门铁板烧呢一部，
有幸可以亲自挤压龙虾，实在觉得好食又好玩呢！
只需要用尽全力咁转转转，就可以将龙虾头壳内嘅肉汁搾出，
每一滴都可以称之为龙虾精华呀！
右边那杯龙虾浓汤就系刚刚利用百万龙虾机搾取出来的，
像是一杯shooter似的，味道非常非常浓郁鲜味，原味回甘。
意想不到海胆忌廉汁同龙虾可以咁match而又唔会抢风头，
而黑鱼子嘅点缀，再加埋龙虾肉爽嫩弹牙香浓，
真系觉得好好食！！！
法国鸭肝伴意大利醋汁
鸭肝虽然比起鹅肝略逊色，但系呢度嘅厨师造得一点都唔油腻，
多士轻轻煎过所以入口带脆、而鸭肝大大件，实在好有口感。
日本水果蕃茄沙律这个蕃茄是蔬菜还是水果呢？
甜味像是水果，但又真系蕃茄嚟㖞，绝对能减低油腻感，
令我更有胃口食下一道菜呢！
日本宫崎A5和牛薄烧伴温室野菜
多汁嫩滑嘅A5和牛，入口即溶即牛味浓郁，
厨师说如果4成熟就会带即溶口感，
5成熟左右就较有点口感，试毕两者我比较喜欢4成熟嘅薄烧。
烟熏西班牙黑毛猪胺配纪洲梅山楂汁伴温室野菜
利用铁板来烟熏黑毛猪，烟熏香气扑鼻更能令肉汁能锁住，
意想不到比起牛肉造得更出色。
份量多而且肉味浓，再点埋纪洲梅山楂汁食，
味道出奇地夹，而且一点都唔油腻。
另外一点要赞赞嘉门铁板烧嘅系佢地有好多野菜伴碟，
可以平衡一下肉同蔬菜嘅比例，可见安排相当用心！
松叶蟹肉泡饭
以为铁板烧最后只会提供炒饭吗？错了！
嘉门这里就后传统提供泡饭，大大减低油腻感，
就算吃到几饱都能把泡饭通通吃下！
加上有玄米脆脆能令口感更好，
以蟹肉来点缀这个泡饭，这个配搭非常好。
甜品
最后为晚餐画上句号嘅系抹茶布甸，
甜度刚刚好，布甸幼滑但系抹茶唔算好浓，
所以成个食哂都唔会觉得好漏。
人均消费千几蚊，但系真心觉得物有所值，
不但有一个无敌靓景，而且食材食鲜又好味，
煮法新颖同平日食开嘅铁板烧完全与别不同呢！
张贴
