NON CAFE

营业中

休息中

出开尖沙咀竟然发现呢间新开以越南做主题嘅Cafe，环境宽敞舒适，几钟意佢简洁嘅装修风格。越式牛丸同生牛肉汤河粉份量十足，牛肉有五大块，牛味浓，汤底清甜，加埋配菜同青柠一齐食，越食越开胃。叫左全份越式扎肉法包，店员好细心将辣酱分开上，法包香脆但唔会硬到戒口，馅料正宗，劲丰富！椰子雪糕咖啡椰子味好香，配埋浓郁嘅咖啡，味道唔会太甜，恰到好处。蛋咖啡真系好特别，充满蛋香同饮落好香滑，饮完仲好提神！每食满$180原来有得玩弹珠游戏，重点系一定有奖中！玩咗两次，有杯免费越式黑咖啡同半分越式法包，未试过食完一餐，仲有免费野送，又唔收加一！