影片
更多
2022-09-20
200 浏览
由于难得book左港岛区既酒店，就揾一间港岛区既餐厅啦！韩式中式最近都食左，夜晚又食西餐，Omakase月头又食左次，所以就决定揾一间日式得黎又唔系Omakase 既野食下，做左一轮功课之后，决定试试依间午餐黎讲选择都算多既 月山 喇。成个环境都好清幽雅致，感觉好似食怀石料理既地方，一入去会见到一艘木船，假如你系食Omakase就会入座依个位置喇。由于今次系食佢既Set Lunch，所以就坐左入面窗边既位置，更加宁静，适合约会2个人静静倾下计。首先系一个3款既前菜作开始，第一款菠菜金菇，好清，可以食到食材带少少鲣鱼香，作为前菜相当清新，适合唤醒味蕾为黎紧既野食做准备。第二款系一个腌制既梅子，就咁睇以为系酸而脆口既质感，但用筷子一夹就有惊喜喇，系好𣺉身，一入口好似要化开咁，而且系甜既！好似食紧炖雪梨既感觉。最后就系为人熟识既茶碗蒸，材料充足，入口每一啖都会有唔同食材，蛋味香而不腻，亦食到少量高汤味，唯一就系👦🏻比较麻麻地茶碗蒸上面系有芡汁，个人喜好，觉得会影响左茶碗蒸既口感，不过整体系可以既。除左主食，仲可以加钱要3款推介小食，今次就加晒3款试试佢。向来都中意食生牛肉他他，韩式西式都经常
成个环境都好清幽雅致，感觉好似食怀石料理既地方，一入去会见到一艘木船，假如你系食Omakase就会入座依个位置喇。由于今次系食佢既Set Lunch，所以就坐左入面窗边既位置，更加宁静，适合约会2个人静静倾下计。
前菜
8 浏览
0 赞好
0 留言
首先系一个3款既前菜作开始，第一款菠菜金菇，好清，可以食到食材带少少鲣鱼香，作为前菜相当清新，适合唤醒味蕾为黎紧既野食做准备。第二款系一个腌制既梅子，就咁睇以为系酸而脆口既质感，但用筷子一夹就有惊喜喇，系好𣺉身，一入口好似要化开咁，而且系甜既！好似食紧炖雪梨既感觉。最后就系为人熟识既茶碗蒸，材料充足，入口每一啖都会有唔同食材，蛋味香而不腻，亦食到少量高汤味，唯一就系👦🏻比较麻麻地茶碗蒸上面系有芡汁，个人喜好，觉得会影响左茶碗蒸既口感，不过整体系可以既。
A5和牛鞑靼
$138
11 浏览
0 赞好
0 留言
除左主食，仲可以加钱要3款推介小食，今次就加晒3款试试佢。向来都中意食生牛肉他他，韩式西式都经常食，日式真系第一次，梨同生牛肉系经典组合，不嬲都相当匹配，可能系用左和牛，油份相对比较高，但牛味就唔算太浓，上面有加左少少鱼子酱，不过同样唔算好影响味道，成个感觉似食紧呑拿鱼多过牛肉，味道唔差，不过就冇乜特别。
北海道云丹金枪鱼腩杯
$138
5 浏览
0 赞好
0 留言
日本野最讲求新鲜，将佢2大名物，海胆同三文鱼子mix埋又点会唔好食丫，而且真系好新鲜，成个鲜甜味出晒黎🤤🤤🤤底层既呑拿鱼腩蓉同白虾味道虽然冇海胆同三文鱼子咁出，但依然令成个味度同口感带黎层次感，淡淡既加多一重鲜。
A5吉列和牛
$168
4 浏览
0 赞好
0 留言
表面相当酥脆，系好轻好薄既一种，牛肉好软滑，食得出冇用好大量既调味，可以食到牛味，虽然唔算好浓郁，但都好香。
寿司盛盒
$398
20 浏览
0 赞好
0 留言
食材依然系日本即日空运过黎，食材唔单止新鲜，亦食得出有一定级，最易伏既赤身一啲根都冇，基本上都系中上级数，当然唔会有Omakase既独特调味，但整体冇乜值得挑剔。
薄烧日山A5和牛丼
$388
12 浏览
0 赞好
0 留言
外表焦脆，肉味系全日食过最浓既，脂香充满成个口腔，肉质幼嫩，食落5成熟左右，但完全唔会有血味。上面除左配有芥辣，仲有好似XO酱同炸蒜mix埋一齐既酱料，加埋一齐食又会多一重风味，多变化既味蕾冲击令人相当满意。
走雅致路线既 月山 ，假如咁岩系系中环想有一个属于自己既宁静空间，倾下计食下野，间中慢活一下都十分唔错。野食既性价比其实唔算特别高，不过加埋环境，同如果你有一个想静静地倾下计既计划， 月山 系一个唔错既选择。
张贴
