影片
更多
2023-05-11
1171 浏览
好耐无饮茶，本来想去龙皇，门口大排长龙…突然醒起附近有一间 豪隍点心工房，于是立即转场行去街尾 豪隍试试。豪隍总店在 观塘敬业街街尾既工厦入面，入口在工厦后门楼梯位，有点隐闭，仲要上层楼梯先到正门。但好好彩，唔洗等位，不过里面都门庭若市，坐低一阵就已经全场爆满。1. 蒜蓉芝士长春卷 HKD 37😋😋😋😋一碟三条炸春卷搭两条青瓜 配一小碟芝麻酱。炸春卷系食指既粗幼，手掌既长度，炸得干爽，不油腻，整条春卷炸得非常香脆。馅料卷著芝士带蒜味既少许虾肉，蒜蓉味比芝士味浓，内馅唔多，但炸得非常香脆，钟意食脆卜卜野既朋友会好钟意，咬落口口都卜卜声架。2. 莲藕煎鲮鱼饼 HKD 31😋😋😋😋一碟厚厚既三大块。莲藕粒切到细细粒，同鲮鱼肉混埋一齐做成肉饼煎香，块块有手掌厚度，咬落啖啖肉，很满足。鲮鱼肉质感细滑，入面加左陈皮，食落唔腥。鱼肉有混入莲藕粒粒，莲藕十分爽口，令鱼饼咬落增加口感，每块煎到刚刚好，很有妈妈𩠌的味道。3. 鲜虾腐皮卷 HKD 31😋😋😋一碟腐皮卷有三大条，切成6小件。表皮煎得很香脆，呢碟煎得略油腻。内馅有芹菜虾仁，菜既比例比虾多，内馅切得太过细碎，碎到接近蓉既状态，所以食落表皮系脆香，
1. 蒜蓉芝士长春卷 HKD 37
😋😋😋😋
一碟三条炸春卷搭两条青瓜 配一小碟芝麻酱。炸春卷系食指既粗幼，手掌既长度，炸得干爽，不油腻，整条春卷炸得非常香脆。馅料卷著芝士带蒜味既少许虾肉，蒜蓉味比芝士味浓，内馅唔多，但炸得非常香脆，钟意食脆卜卜野既朋友会好钟意，咬落口口都卜卜声架。
2. 莲藕煎鲮鱼饼 HKD 31
😋😋😋😋
一碟厚厚既三大块。莲藕粒切到细细粒，同鲮鱼肉混埋一齐做成肉饼煎香，块块有手掌厚度，咬落啖啖肉，很满足。
鲮鱼肉质感细滑，入面加左陈皮，食落唔腥。鱼肉有混入莲藕粒粒，莲藕十分爽口，令鱼饼咬落增加口感，每块煎到刚刚好，很有妈妈𩠌的味道。
3. 鲜虾腐皮卷 HKD 31
😋😋😋
一碟腐皮卷有三大条，切成6小件。表皮煎得很香脆，呢碟煎得略油腻。内馅有芹菜虾仁，菜既比例比虾多，内馅切得太过细碎，碎到接近蓉既状态，所以食落表皮系脆香，但内馅就软笪笪，唔太有口感。
4. 四宝鸡扎 HKD 33
😋😋😋
鱼肚：鱼肚很索汁，非常入味，咬落弹牙爆汁。
火腿：手指头大小，咬落阵牙，一般火腿咸香。
鸡肉：鸡肉很入味，质地软林，成旧啖啖肉。
味道可以，跟普通茶楼所食味道差不多。
5. 北姑滑鸡饭 HKD 37
😋😋
个饭系用个小瓦煲仔上，唔硬唔软，无饭焦，无乜特别，鸡肉软林，啖啖肉，鸡味一般，鸡肉系去皮，亦无乜油脂，所以个饭系干干地。除鸡外，个饭面仲有一粒冬菇，粒冬菇厚肥，咬落很弹牙，菇味香浓。
6. 虾仁烧卖皇 HKD 27
😋😋😋😋😋
呢个点心应该系皇牌吧！门口大大张poster推界。一上枱哇左一声，真系好大粒，佢一粒做得人两粒。仲要大大只虾放面，真系好吸引，27蚊一竉两大粒，好抵食。虾仁大大粒，虾味香浓，咬落肉质弹牙，下面主体部份系猪肉馅混著切成大大粒既虾肉，咬落肉质弹牙而且肉汁充沛，好好味，呢个点心系必食之选。
7. 点心拼盘 HKD 51
流沙奶黄包：
😋😋
个包细细只，好够热，唔算好甜，蛋黄味唔系好够浓，而且奶黄太过水，佢个流心系超级劲爆热，我拿起个包撕开食时，流心一撕就爆出，咁就烫伤手了，超级疼！如果流心浓d同滐返少少会好d。
京式叉烧包：
😋😋
个叉烧包细细只，叉烧馅略少，叉烧馅味道略甜，味道系一般叉包既味道，无乜特别。
虾饺皇2粒
😋😋😋😋
呢个虾饺皇系烧卖皇既Friend，又系超级大粒！睇相都见到个尺寸系拍得住格离两只包。虾饺皇既皮薄薄既，包住劲多虾肉粒同虾仁，虾肉咬落弹牙又多汁，非常好食。
潮州粉果2粒：
😋😋
粉皮略厚，唔够烟韧，内馅带微香辣，有花生，芹菜，苟菜，粉葛，内馅食落爽口. 味道ok, 系普遍茶楼既味道。
整体评语：
店内既枱同坐位颇密集，人流多而嘈杂，明显走非传统茶楼路线，上点心快，碗碟收走都很快，侍应都快手快脚在通道间不停穿插，所以食客大都系快食快走，咁当然，佢既价位亦会比传统大茶楼相宜得多。如得闲发口痕，想快食点心，而唔想去食贵d既传统茶楼，豪隍会系一个好选择，点心款多，价钱抵食，全部点心炸物饭菜都系新鲜热辣上枱，整体味道同质素都可以接受。
张贴
