影片
更多
2016-11-28
677 浏览
近来日式海鲜丼大hit，不过丰州、山贵等等都要大排长龙，唔想排队，都可以试试哲平。佢一定冇以上两间的规模，铺仔细细，我去的时候天气仲好热，冷气又弱，高櫈都只有十张左右，唔会坐得舒服，但起码唔驶排队，价钱唔贵。其实佢都系过江龙，唔系日本，系新加坡，不过都系日本人主理嘅。呢度走快餐路线，自己去cashier点菜畀钱，跟住整好就会拎畀你。餐具系用完即弃胶兜，日本味欠奉，又唔环保，不过快餐系咁架喇。佢主打几款酱油海鲜丼，另外有滑蛋猪扒饭、咖喱饭等等。九州酱油海鲜丼（$80）有三文鱼、吞拿鱼、螺肉，全部系角切而唔系常见的一片片，仲以酱油腌过，有咬口得来好够味，日本米饭都煮得好烟韧，不过醋就落多左少少，酸味都几重。九州酱油帆立贝特盛（$90）基本上同海鲜丼差唔多，只系多左4片帆立贝，肉唔算厚，但味道好鲜甜，喜欢帆立贝的话不妨加多$10叫呢个。值得去指数：👍🏻👍🏻👍🏻
佢一定冇以上两间的规模，铺仔细细，我去的时候天气仲好热，冷气又弱，高櫈都只有十张左右，唔会坐得舒服，但起码唔驶排队，价钱唔贵。
其实佢都系过江龙，唔系日本，系新加坡，不过都系日本人主理嘅。呢度走快餐路线，自己去cashier点菜畀钱，跟住整好就会拎畀你。餐具系用完即弃胶兜，日本味欠奉，又唔环保，不过快餐系咁架喇。
佢主打几款酱油海鲜丼，另外有滑蛋猪扒饭、咖喱饭等等。九州酱油海鲜丼（$80）有三文鱼、吞拿鱼、螺肉，全部系角切而唔系常见的一片片，仲以酱油腌过，有咬口得来好够味，日本米饭都煮得好烟韧，不过醋就落多左少少，酸味都几重。
九州酱油帆立贝特盛（$90）基本上同海鲜丼差唔多，只系多左4片帆立贝，肉唔算厚，但味道好鲜甜，喜欢帆立贝的话不妨加多$10叫呢个。
值得去指数：👍🏻👍🏻👍🏻
张贴
