FUMI

营业中

休息中

周围揾大闸蟹嘅菜式，今日就拣咗呢一间位于兰桂坊嘅楼上居酒屋👍🏻和风蟹语六道菜盛宴：精选高级寿司、创意开胃菜、大闸蟹蟹粉茶碗蒸、蟹粉冰见乌冬，盐麹乳鸽、北海道牛奶布甸✨干坤蕃茄胀卜卜嘅蕃茄内有干坤，包住多款嘅刺身粒粒，蕃茄食落去清甜多汁，更因梅子汁而令内外都带有咸身感，非常非常开胃，有惊喜！✨盐曲乳鸽真系令人一试难忘，由发酵米制成的调味料，味道温和甜美，乳鸽嘅肉质嫩滑多汁；绝对系有别于平时食乳鸽嘅风味！✨寿司分别有先吞拿鱼中腩、深海池鱼、北海道帆立贝同甜虾。当然喺食蟹嘅同事不能够忘记佢都系一间日式嘅餐厅，当然要试一试佢嘅寿司同埋刺身！三个字，好新鲜，而且切得非常之厚身。✨大闸蟹蟹粉茶碗蒸 蟹香已经率先飘入鼻哥窿，厨师细心将鲜拆肉蟹、蟹黄及蟹膏混合并炒熟，将蟹粉嘅甘香发挥得淋漓尽致，搭配日式蒸水蛋，滑不溜口。✨蟹粉冰见乌冬幼身乌冬口感烟靭有口感，面头铺上满满嘅蟹籽粒粒。旁边摆有蟹黄、蟹肉丝，均匀地搅拌一下即可品尝到啖啖蟹嘅风味！✨北海道牛奶布甸入口丝滑细腻，唔会太甜，确系完美的结尾。