Pho Bar (已結業)

中环有好多唔同嘅菜式选择，今日我哋就食主打越南嘢嘅Pho Bar啦！但呢间Pho Bar同一般越南餐厅隔局好唔同，佢似一间拉面店多啲，长长嘅吧台，可以望到厨师煮Pho架，够晒新鲜热辣！落单仲系自己填纸，想拣咩面底或加咩配料都好方便，唔讲真系以为自己去咗拉面店呀。炸春卷越南春卷炸到脆卜卜，一咬落去好松化！冰山烧猪颈肉猪颈肉好厚身，微微嘅焦香味，加上酱汁，真系好惹味。怕油腻嘅，记住用生菜包住食，清新度大大提升。生熟美国顶级牛肉金边粉面可以拣河粉、金边粉或意大利翠玉瓜面，而配料可加金不换、芫茜、芽菜、洋葱、炸蒜同葱等，口味随个人喜好。而呢碗pho当然系即叫即煮，热辣辣又大大碗，食之前可加入青柠、辣椒、辣酱同甜酱，而汤底带有浓香嘅牛味，汤色清而不浊。而牛肉份量多，生熟比例啱啱好，肉味香浓！而幼细嘅金边粉，好滑呀！至尊金边粉至尊真系唔系浪得虚名，配料有生熟牛柳片、牛腩、牛肉丸、牛栢叶、牛展同札肉，份量够晒多！牛腩香浓，肥瘦比例啱啱好；牛丸弹牙爆汁！呢碗至尊真系好抵食。（记住Like同Share畀朋友）By A姐M佬 玩乐日记 www.aandmdiary.com