影片
更多
2014-12-13
1702 浏览
今晚要在粉岭食晚饭，对自己好啲！问定住附近同事！佢介绍呢间扒房，去到门口已经觉得好有怀旧味道，白墙加红帐篷，好似跑马地间Amigo嘅感觉，推开门直头去咗七十年代感觉！白墙籐椅木枱，加籐灯罩！店员安排我坐窗边一张四人枱，因为我张枱刚在柱边，坐得比较窄，可以望到窗外！但出面路人望唔到入面！ 套餐有好多选择，扒类、拼盘、意粉类！同事话焗意粉好味！但我想食牛扒，又觉得呢啲扒房有保证！就叫个晚餐「扒西冷牛扒」（$88）！好快就上个红汤罗宋汤及餐包，罗宋汤够热，好浓味，酸酸微辣，汤料中有牛腩碎及红萝卜条，增加口感！餐包细细个，热辣辣，我无搽牛油，直摵开点汤食，面包好松软，点埋汤好食！牛扒之后上，卖相几好，牛扒唔大份，切开做到我要求嘅5成熟，咬一啖，淋身有肉汁，点黄芥辣更加提升了味道，黄芥辣滑身攻鼻，但又有一条筋，好韧咬唔开，结果系成块扒都有条筋横跨在中间，破坏晒本来味道唔错嘅牛扒！我跟薯菜，份量好多，薯条粗身淋身，唔点茄汁，直接用烧汁点来食，好薯味，好食，蔬菜有爽脆四季豆及淋身红萝卜仔！可以平衡牛扒油腻感！烧汁唔杰，质地滑身，味道刚好！ 之后上啫喱同热柠茶，盛载菠萝啫喱嘅金属杯好怀旧，啫喱味道
套餐有好多选择，扒类、拼盘、意粉类！同事话焗意粉好味！但我想食牛扒，又觉得呢啲扒房有保证！就叫个晚餐「扒西冷牛扒」（$88）！
好快就上个红汤罗宋汤及餐包，罗宋汤够热，好浓味，酸酸微辣，汤料中有牛腩碎及红萝卜条，增加口感！餐包细细个，热辣辣，我无搽牛油，直摵开点汤食，面包好松软，点埋汤好食！
牛扒之后上，卖相几好，牛扒唔大份，切开做到我要求嘅5成熟，咬一啖，淋身有肉汁，点黄芥辣更加提升了味道，黄芥辣滑身攻鼻，但又有一条筋，好韧咬唔开，结果系成块扒都有条筋横跨在中间，破坏晒本来味道唔错嘅牛扒！我跟薯菜，份量好多，薯条粗身淋身，唔点茄汁，直接用烧汁点来食，好薯味，好食，蔬菜有爽脆四季豆及淋身红萝卜仔！可以平衡牛扒油腻感！烧汁唔杰，质地滑身，味道刚好！
之后上啫喱同热柠茶，盛载菠萝啫喱嘅金属杯好怀旧，啫喱味道普通，里面嘅罐头菠萝都系普通！我唔食花奶！唔系加少许花奶会滑啲！热柠茶够热，茶味浓而唔涩，好味！
店员身穿最旧式嘅制服！服务就唔勤快但正常！欣赏系会食完一样先比另一样！唔会一之过上晒所有食物！但唔好系水吧卖相比较粗糙，罗宋汤碗边沾满汤（系过份𠮶只 ），热柠茶杯又系沾满柠檬肉！如果呢啲位置细致啲会更好！
餐厅唔会赶人，慢慢来，食了一餐好悠然嘅晚饭！
张贴
