老鳳冰室 (已結業)

见到呢度有间新餐厅，充满怀旧嘅气息，特别嘅装修，价钱可以接受，就入去试吓！入边有几款芝士捞一丁，好吸引，咁就叫咗个猪扒捞丁黎试下 $48 ，个面煮到啱啱好，爽得来仲有少部分脆脆地，加埋香浓嘅芝士汁，入味嘅猪扒，仲有件多士，极之好味！我觉得芝士捞丁系必叫！因为真系唔系间间茶餐厅都有芝士捞丁，仲要系香浓嘅芝士！再来叫咗个安格斯牛腩炒河$58，系湿炒既河，出边茶记好少见到牛腩炒河，个汁有少少辣辣地，牛腩好林、好香，啲汁捞埋河粉好正，好开胃！虾多士$38，而家茶记都好少虾多士，见到就梗系即叫，个多士炸到好香脆，加埋酱汁， 好好食！最后叫咗个飞仔华田$14，上面有块卡通饼干，可以食嘅，仲有好厚嘅cream，而华田冲得好浓， 不过杯野冰多过水，虽然望落好大杯好好饮，但都系得两啖饮！总括来讲唔错，一定会再黎， 希望呢间新店能够keep住而家嘅水准！