皇后飯店 (已結業)

岁月催人，我由大学毕业已经有好多年，我亦因此无再去过又一城。虽然时间⏳不断流逝，好多喺又一城嘅餐厅亦转咗手，但唯一不变嘅系，呢间由20多年前已经喺商场屹立不倒嘅《皇后饭店》👑香港🇭🇰有唔少老字号嘅西式扒房，但唯独是《皇后饭店》嘅装修依然好中西夹杂，环境亦都相对干净，美轮美奂。一入到去，彷佛去返旧时嘅香港。今日我就同以前嘅大学同学光顾《皇后饭店》，喺呢个有历史嘅餐厅缅怀大学时期嘅美好回忆😊《皇后饭店》嘅晚餐menu选择非常多，由铁板鸡扒、龙虾、安格斯牛扒到比目鱼柳不等。而前菜方面，亦有沙律🥗、田螺、青口。不论你系咪肉食爱好者，呢度总有一款食物适合你。我哋就拣咗沙律、青口作为前菜；鹅肝牛柳，同埋串烧黑毛猪柳作为主菜，主菜嘅质素属中上水平，特别一提嘅系，d肉煎得好够香口，好有港式俄菜嘅味道。我哋喺度渡过咗一个充满回忆嘅晚上🌃。我哋就好似《皇后饭店》咁，虽然岁月催人，但不变嘅系𠮶份历史、𠮶份回忆。