榮熙茶餐廳

营业中

休息中

同屋企人路過呢區想食個早餐，朝早8點未夠得呢間開左門就入左去坐，想叫侍應落單，有位男士未行到埋黎就話：「講野」。個語氣就等同叫你：「還錢」。我成枱呆一呆，單都未落完佢就行左去後面，粒聲都唔出，係咪聽緊我講野都唔知。到一路上餐佢拎住碟野行到埋黎尋仇咁等我地執d位出黎比佢擺野，一肚氣拿拿林食完走人。唔係話客人比錢大晒，亦唔要求食個茶記要賓至如歸，但食個早餐都未至於搞到好似成家一齊做錯事咁。奉勸一句，做得咁唔老嚟咪唔好企樓面，無謂大家難受，呢d唔係叫特色，係叫討厭。晦氣到咁都鄧間餐廳可惜，辛苦其他好好服務嘅侍應，同煮麵有一手嘅廚房。