尚八日式燒肉店 (已結業)

最近天气冻左咁多，突然真系好想去食烧肉！收工近近地，决定落旺角揾好嘢食😋呢间尚八之前讲咗好耐话想试，今日虽然系平日，但都几多人捧场㖞！去到店员同我地介绍有分A4和牛同安格斯牛2款放题，平时无几何会食烧肉，一食就梗系要食好啲𠮶只啦😼今次一于就拣咗贵啲𠮶只A4和牛放题，每位$438再加一！店员首先俾咗本Menu我哋睇，但落单系自己用手机落嘅📱好方便呀！一开始唔需要点牛住，因为佢哋会送上一盘和牛拼盘，等你可以每款牛都试一试，之后就可以嗌自己最钟意食部位！🐂另外，2人或以上都会送刺身拼盘，食材好新鲜！尤其系海胆，超级鲜甜👍🏻开始烧和牛，其实好多都切得好薄身，真系要因住时间，可能某啲部位烧十靓秒就已经要反转，我自己就特别钟意和牛三角同埋和牛前肩呢两个部位，因为觉得呢两款油脂分布得非常均匀，食落肥而不腻！肉香幼嫩🤤超满足！当然不停食肉好快会食济，所以我哋都叫返啲开胃冷盘小食，个和风蕃茄沙律同埋胡麻豆腐都好清新！野菜烧物同样非常出色，尤其系个日本甜番薯🍠加咗啲蒜蓉汁提味，味道更上一层次👍🏻细细粒！一啖一粒，甜甜地！劲好食🥰海鲜类，可能本身食材新鲜，就算真系完全唔加任何调味料，岩岩烧起热辣辣已经好出色