水門雞飯 (豉油街)

营业中

休息中

呢间水门鸡饭喺旺角都非常出名，价钱实惠味道亦都相当有水准，今次嚟试吓鸡饭以外嘅泰国菜。鸡饭可以唔食，但泰式奶茶系冇得唔饮。炼奶味非常香。基本上每枱都必嗌。香辣肉碎沙律，其实即系生菜包。餐牌标示两粒辣椒，个人认为都唔算太难。山菜大约有六块，两至三个人share都可。马拉盏鱿鱼炒西兰花，马拉盏咸香配上西兰花都几有新意，鱿鱼吸晒啲汁相当惹味。串烧三串起跳，叫咗两串鸡一串猪，味道一般，尤其系猪比较硬身，建议叫返鸡串。椰汁斑兰糕，一食三旧，斑兰味突出，椰汁亦都唔孤寒。