食包 (已結業)

做完運動，諗住去食個飯，經過見到呢間野，食burger都好喎，但入面冇人，而且價錢都好平，諗住伏多，但都膽博膽試下。叫左一個經典牛漢堡和雙層牛堡，一份薯條和汽水。堂食坐低等，先來薯條，嘩，好大份，而即叫即做，好味而且薯仔味重。之後來個經典牛堡和雙層牛堡。竟然同張相一樣，冇呃人。食落好好味，牛扒好多肉汁，滴到成枱都係。所有配料都好味，煙肉唔硬而且香。今餐好滿意，咁嘅質素竟然$4x。總之性價比好高，希望多啲人食。