品蓮素食 (已結業)

其實食過三次，水準都係一樣地好。今次都係食咗咕咾肉，都係好好味，啲素肉整得好好食，唔似真肉要吐⻣，酸酸甜甜，好開胃。另外，今次叫咗梅菜扣肉，驚喜係啲梅菜唔係好咸，所以送白飯食一流，啲扣肉嘅口感好得意，似足真嘅扣肉半肥瘦，好有口感，特別地梅菜底有幾條菜芯，比起真嘅梅菜扣肉無咁肥無咁油。最好嘅係送飯前湯，無收茶介無收加一，野食好有水準又貼地，值得一去再去。