竹串日本料理 (已結業)

系铜锣湾食饭其实好多选择，但一系就好多人排队，等位等好耐，一系就价钱偏贵。今日有朋友介绍呢间主打食串烧既日本餐厅，性价比几高，一于就试下。午餐有好多选择，刺身、寿司都有，但既然呢度系主打串烧，点可以唔试下个串烧套餐。印象中有牛舌同银雪鱼拣，我最中意牛舌，加上平少少，于是拣左牛舌。除左主食，仲有日本餐厅必备既面豉汤同埋沙律，仲有一个小食墨鱼。值得一提系全部串烧都系即刻烧既，热辣辣之余感觉好正！总共有5,6款串烧，除左牛舌，其他例如豚肉都好正，连翠肉瓜都烧得好香口。呢间串烧店我相信系铜锣湾其中一间性价比极高既餐厅，之后应该会经常黎食。