詠藜園四川菜館 (已搬遷) 新店位置

咁岩两老放假就带我食佢地认为既好野。平时好少行慈云山，心谂只会有集团式餐厅，原来行远d有好多特色小店冇咩人知。餐厅门面旧旧地，我呢d后生一般都唔会行入去。一入到待应已送鱼皮花生🥜见到呢张书法都知担担面系必嗌既每次同两老食上海/四川野都会叫鳝糊。价钱平份量多，韮黄新鲜，酱汁香浓，比大般商场或小点出品好太多了。 食得出冇味精唔口干。小笼包即叫即整，肉汁甜而不油。平时烤芙劲细碟，呢度系平时两倍好开心🥰担担面会落单时问你要几辣，好香花生味，食得出唔系hea整用好多花生酱沟个担担面汤出泥，而系真花生同浓汤底整。好想饮汤多过食个面😂，面系上海面，通病系好快淋，但我地响佢淋之前都食晒啦😂