Chez Bistro (已結業)

見到網上面咁多好評，於是想係午餐嘅時段就上嚟試吓。今次揀左2-course既lunch set。Appetiser方面，我就揀咗湯，soup of day係南瓜湯，湯嘅味道非常之濃郁，非常creamy ，有少少好像好似食緊南瓜蓉咁，所以呢可以配上餐包一齊食。主菜方面，我今次就揀咗加拿大帶骨豚配蒜香香草汁。一開始已經見到佢嘅賣相唔錯，伴碟好精緻，豚肉唔單止好大塊仲非常之厚身，配上香草汁感覺會唔會非常乾身，肉質亦都尚算亂嫩滑，個人呢好鍾意食伴碟嘅薯仔，食落口有一種外脆內軟嘅感覺，再配上燒左嘅蕃茄，感覺唔會好油膩。整間餐廳嘅比我嘅感覺係唔單止好闊落，坐係窗邊陽光亦都好充足成間餐廳望落去非常之光猛，適合一班人係舒適地下午嘅時間傾吓計。下次中午時間如果想食好少少都會再嚟返呢一度。