三味真鍋 (裝修中)

有次夜晚10点系观塘想同几个朋友打边炉食鸡煲，估唔到系瑞和街街市中都有隐世既鸡品打边炉店，鸡煲既性价比高十分好！鸡煲既鸡好有份量，就算4个人食一个煲都一定够食。饮品可以任饮，开心见到有支装汽水提供。配料方面亦有唔少选择，见到菜类都系新鲜，每次都会食劲多生菜🥬而且店员好友善，同朋友打电话book位预食个半钟，就算夜左去食，店员都会等到我地食埋先，唔会因迟左去而减时间，所以同男朋友已经帮衬过好几次。