MOO MOO

营业中

休息中

对我来讲，Moo Moo一直系香港汉堡性价比之王，所有手工汉堡只系$70楼下，实在难能可贵。Moo Moo有室内同室外，自己好钟意Moo Moo既室外环境，尤其系霓虹灯招牌同大萤幕餐牌。我地叫左两个汉堡，一个肉汁芝士薯条加两杯饮品，价钱只系$220，真系几抵食。- 美式之堡面包涂上牛油后轻轻烘烤过，用安格斯牛肉打成既汉堡扒好厚，不过食落有少少硬。烟肉非常干身香脆，咸香一流。酱汁份量亦刚好，唔会食到成手都系酱汁。- 咸蛋黄鸡堡卖相唔似餐牌相片咁著左「黄金战衣」，即系咸蛋黄酱无铺满整块鸡扒。鸡扒肉质都几嫩，不过唔多入味。- 肉汁芝士薯条薯条几香脆，而且够粗身，食到入面既软嫩薯肉，每一条薯条沾满半溶芝士同肉汁，令人食极唔停。- 柠檬特饮🍋味道似外国柠檬茶，味道偏甜。P.S 餐纸上印有美式笑话，我认为几有趣。