嚐館 (已結業)

▫️香蒜鲜蕃茄酱汁烩德国猪肉肠意大利粉 配是日餐汤+日式芝麻酱杂菜沙律 +"Artisan Sourdough" $98先讲汤同沙律，份量同味道正常，就喺普通嘅忌廉汤同沙律芝麻酱。 面包松软，不过唔酸，面头仲帮你搽埋牛油（冇得拣）。到个意大利粉，不得了。 冇蒜味，甚至一粒蒜都睇唔到。汁多到不得了，每一条都挂满汁，钟意食酱嘅人啱哂。 酱就类似平时食嘅蕃茄汁。普通猪肉肠，但意粉偏‘林’，冇乜咬口。另外明明menu冇写有茹，但啲茹仲多过啲肠😂野饮拣咗热低糖绿茶，正常，但佢糖浆喺沉哂底。▫️日式叉烧拉面 $68卖相几好，汤底都几好味。拉面正常，唔‘林’，不过份量几细。呢个可以叫嘅🤔P.s. 佢都几赶，当你放低餐具个刻，就已经走埋嚟问可唔可以收。但佢又未到赶你，可能因为位置几多。不过佢价钱都几贵，性价比底，所以都唔会再帮衬。