海港酒家 (淘大商場2期)

营业中

休息中

近日疫情严峻，好多酒家都推出左食饭优惠。我朋友见到海港有出长脚蟹套餐嘅优惠，四人食都只系六百几蚊，所以我哋就约咗嚟呢度试吓啦。本身系打算叫六百几蚊嘅阿拉斯加长脚蟹餐。但后尾见到超值晚饭自选餐都非常之抵，所以我哋就叫左自选餐，再另外+2百几蚊要日式花雕蒸长脚蟹一份。佢有得拣鲍鱼汤或者猪展汤，我哋拣咗猪展汤，饮落佢都几甜。佢个墙脚蟹系一份，唔系一只嘅，睇落去都大概系半边蟹脚嘅份量啦。我觉得味道都几好嘅，蟹肉都鲜甜唔霉，，但系就冇咗𠮶种花雕酒香。不过比起佢嘅价钱，我觉得算系咁了。脆皮烧鸡份量唔太多， 皮都脆嘅。依碟咕噜肉我就觉得整得麻麻地，个皮唔脆嘅，同埋有点偏肥。好足料嘅龙虾伊面。系急冻龙虾， 唔系新鲜的，但都算系咁真系比足2只。总括嚟讲呢，味道又唔系话好出色同超级新鲜。但系呢个价钱，我觉得食左咁多海鲜同肉（虾，蟹，鲍鱼，鸡）系非常之抵嘅。仲有佢嘅糖水系好平架，一碗杨枝甘露都系10几蚊，唔使去楼下糖水舖。我哋四个人食咗咁多海鲜，加埋糖水，加埋一同茶芥都唔使$300一个人。