影片
更多
2024-10-12
134 浏览
📍呢间位于铜锣湾嘅【重房】，选用嘅食材大部份都系日本直送，非常新鲜，而店内日系风格嘅装修加上安静嘅环境，亦令人一行入去心情就已经好放松😋今次我地就点咗佢地嘅12-13品厨师发办$598 set 试试佢啦🦀蟹肉冷菠菜配蟹肉茶碗蒸一道看似简单嘅冷菠菜，里面有金菇+菠菜+蟹肉，食落鲜甜美味，一啲都唔简单，而个茶碗蒸里面就有虾肉+蟹肉，食落蛋味浓郁，滑嫩非常🦪北海道仙凤趾生蚝 既肥美又饱满嘅生蚝配埋佐醋啫喱+柚子醋+三文鱼籽，海水味重，口感清甜之余又清新🐠东京湾梳子鱼 梳子鱼皮下脂肪比较多，烧过之后口感更加香口，再加埋柚子胡椒，清新嘅柚子配香辣嘅胡椒，入口香口之余，味道丰富🐟吞拿鱼大腹大腹比较多筋，所以师傅烧断啲筋之后，口感香口好多亦无咁韧，再用紫菜包住嚟食，切合返香港人口味🍽矶煮鲍鱼经过慢煮再腌制咗一日嘅矶煮鲍鱼，够哂入味，爽口嘅鲍鱼配埋鲍鱼肝汁，每一啖都鲜味无穷，香浓又有层次 🐟烧马友配柚子醋外脆内嫩嘅马友肉质鲜美，鱼肉结实，配埋柚子醋，解腻又清新🐠深海池鱼（腹部位置）深海池鱼肉质鲜嫩肥美，口感嫩滑，师傅话平时食刺身都讲求即日新鲜，即到即食，但呢款刺身就需要放置一星期，原因系因为需要配搭埋
📍呢间位于铜锣湾嘅【重房】，选用嘅食材大部份都系日本直送，非常新鲜，而店内日系风格嘅装修加上安静嘅环境，亦令人一行入去心情就已经好放松
😋今次我地就点咗佢地嘅12-13品厨师发办$598 set 试试佢啦
🦀蟹肉冷菠菜配蟹肉茶碗蒸
一道看似简单嘅冷菠菜，里面有金菇+菠菜+蟹肉，食落鲜甜美味，一啲都唔简单，而个茶碗蒸里面就有虾肉+蟹肉，食落蛋味浓郁，滑嫩非常
🦪北海道仙凤趾生蚝
既肥美又饱满嘅生蚝配埋佐醋啫喱+柚子醋+三文鱼籽，海水味重，口感清甜之余又清新
🐠东京湾梳子鱼
梳子鱼皮下脂肪比较多，烧过之后口感更加香口，再加埋柚子胡椒，清新嘅柚子配香辣嘅胡椒，入口香口之余，味道丰富
🐟吞拿鱼大腹
大腹比较多筋，所以师傅烧断啲筋之后，口感香口好多亦无咁韧，再用紫菜包住嚟食，切合返香港人口味
🍽矶煮鲍鱼
经过慢煮再腌制咗一日嘅矶煮鲍鱼，够哂入味，爽口嘅鲍鱼配埋鲍鱼肝汁，每一啖都鲜味无穷，香浓又有层次
🐟烧马友配柚子醋
外脆内嫩嘅马友肉质鲜美，鱼肉结实，配埋柚子醋，解腻又清新
🐠深海池鱼（腹部位置）
深海池鱼肉质鲜嫩肥美，口感嫩滑，师傅话平时食刺身都讲求即日新鲜，即到即食，但呢款刺身就需要放置一星期，原因系因为需要配搭埋寿司醋饭饭，所以讲究就会多啲啦
🦐须长虾
用昆布汤腌左一晚嘅须长虾，肉质细绵，口感鲜甜黏口
🍣筋子
鳟鱼嘅鱼籽比三文鱼籽更幼更滑，口感黏性亦更加强，而且仲带有淡淡嘅海水咸香味，配埋柚子皮，令成个口感更清香之余，每粒筋子系口里面爆开嘅时候，仲好过瘾添
🐟烟熏平政鱼
用网烧香咗嘅平政鱼，鱼味浓郁，肉质结实肥嫩，口感清甜，配搭上面有少许辣嘅北海道面子酱，口感更丰富
🐟秋刀鱼配姜蓉
甘甜独特嘅秋刀鱼，鱼油芳香，丰腴肥美，非常有质感
🍣北河道白海胆寿司
奶黄色嘅北海道嘅白海胆嫩滑又够水份，味道浓郁鲜甜，食落仲带有淡淡哋嘅海水味，无马粪海胆咁浓烈
🍜清汤乌冬
幼滑嘅乌冬弹牙爽口，好味到连汤都饮埋
🍡日式蕨饼
以日本好岀名嘅蕨饼作为结尾，烟靭弹牙嘅口感为呢餐画上圆满嘅句号
🤤越讲越想再食多次，下次要再去试吓其他先❤️❤️
张贴
