華小料理屋 (已結業)

原本系想去中环𠮶啲Sukiyaki舖头度食，但系太难book位，所以退而求其次就拣咗呢间去试吓。试左之后真系好伏！一入到去见到张纸写住系Mr stxxx，已经冇乜期望。一早book咗位，早到咗想坐出边啲位罝而且本身间餐厅都冇乜人，佢都系叫我坐最近后门嘅位置。我有要求掉位，但都俾佢拒绝因为佢声称有Booking， 点知过咗半个钟都唔见有其他人，真系唔知个经理做乜唔比人坐出d。之后冷气机滴水，好彩滴左落杯茶度冇滴落啲肉到。讲返个近江牛set ，同喺donxx 百几蚊买𠮶啲系冇分别，又未到去到好难食，但一定唔值呢个价。然之后个Staff嚟帮我哋煮，成日煮煮下都走咗去做其他嘢，老实讲比得 $2000 都会希望会有个体验，点知同几百蚊嘅烧肉店冇分别。真系唔会有下次，完全系唔值得推介比任何人食。总括而言，我觉得呢一间最多值$600两位，我劝大家去食之前谂清楚。