牛魔一人燒肉

营业中

休息中

最近开咗好多间一人烧肉，可以唔使约朋友就可以食到烧肉，而且价钱好平，所以最近都成日食。朋友介绍呢间牛魔又平又抵食，咁就一于嚟试吓啦。一嚟到见到呢度环境几好，除咗位置好坐之外，抽风系统都做得好好。今日同朋友嚟到，就打算一人嗌一个餐啦。我就拣咗呢个有牛舌都有牛五花嘅餐。一上台估唔到牛肉油咁多，另外我仲拣咗乌冬。个乌冬虽然唔系好大，但系一上枱已经闻到佢嘅猪骨汤味好香，而且食落乌冬好好食，比出面食乌冬嘅专门店更加好食。而朋友就拣咗和牛餐，和牛一上枱睇落已经好靓，牛肉非常大块。我试咗佢一块 ，牛既牛味好重，估唔到咁平价钱都可以食到咁好嘅牛肉。另外朋友仲加钱拣咗紫菜蛋饭，食物真系好好食，半熟蛋加上烧肉汁配白饭，真系好开胃。每一个餐都会有沙律同埋面豉汤，食落完全唔马虎。咁平嘅价钱可以食到咁高质嘅牛肉，以后都会再嚟啊。而且呢啲一人烧肉好适合自己一个嚟食，两𩠌饭嘅价钱就食到咁好食嘅烧肉，下次点都会再嚟食呀。