御名園

营业中

休息中

早前生日饭之一，已经嚟过《御名园》食过好几次，每次都冇令我失望，真系食到舔舔脷捧住个肚走的…😋😋😋前菜先来一碗足料又鲜甜嘅瑶柱淮山炖螺头汤，再嚟一只乳鸽、鸡脚同非常之邪恶脆卜卜嘅黄金鱼皮，慢慢食住等主菜…😁😁😁终于嚟咗我期待已久嘅龙虾伊面，自从上次食过之后劲回味！龙虾超大只，而家啖啖肉，爽口又弹牙，仲有挂满芝士汁嘅伊面，根本难以抗拒，食完一碗又一碗！仲有个晚餐孖宝，姜葱炒肉蟹配XO酱翡翠炒兰花蚌，都只系三百几蚊，蟹肉结实又惹味，仲要有成两只添！真心超级抵食！由于我钟意食虾，所以再嚟多碟头抽煎焗大虎虾，老实讲呢度嘅海鲜绝对唔差得过鲤鱼门、西贡同三蛏等出名食海鲜嘅地方！🥰🥰🥰最后点咗个姜汁千层糕做甜品，不过最后酒楼仲送咗木瓜炖雪耳糖水俾我哋，早知唔使嗌甜品啦！哈哈！😆😆😆呢度除咗平日普通食饭之外，都几啱庆祝节日同生日饭嘅好地方！👍🏻👍🏻👍🏻