影片
更多
2023-10-13
56 浏览
今日去咗黄埔享膳坊试吓呢间Amber’s Table，之前经过已经觉得几有情调，铺面又够大，想试好耐了！我哋先叫咗两杯嘢饮，一杯系「椰子咖啡沙冰」（$49），铺头系用illy咖啡，呢款意式咖啡味道十分浓厚，倒咗入去甜甜的椰子沙冰度，一冷一热、一甜一苦嘅口感冲撞非常惊艳，无谂过呢个配搭系咁正！另一杯嘢饮叫咗「棉花糖朱古力奶昔」（$88），呢杯奶昔造型真系一百分！好适合打卡，好鬼梦幻！大棉花糖系以前去夹糖最经典果款，而铺喺朱古力面上嘅系爆炸棉花糖，食落十分过瘾！而朱古力系用Movenpick雪糕打成，好有诚意，甜度十足！到嘢食喇，餐厅先上咗两个餐包，配上意大利黑醋同橄榄油，开一开胃先！我哋先叫咗一客「蓝青口」（$178），呢个青口真系不得了！首先佢系劲大盘，入面有数不尽嘅青口，而两款青口有唔同嘅口感味道，白青口较为Creamy、易入口，黄青口就较实净，海鲜味较浓，配上烟肉忌廉汁，成件事又开胃又好食！另外仲有四块香脆蒜茸包配衬。跟住就到正餐喇！我哋叫咗一客「蘑菇汁带子幼面」（$148），蘑菇汁打得十分浓稠，配上自家制嘅幼面，食落好烟韧弹牙，系平时好少食到嘅意大利面质感，而刺身带子用火枪烫过，
之前经过已经觉得几有情调，铺面又够大，想试好耐了！
我哋先叫咗两杯嘢饮，一杯系「椰子咖啡沙冰」（$49），
铺头系用illy咖啡，呢款意式咖啡味道十分浓厚，
倒咗入去甜甜的椰子沙冰度，一冷一热、一甜一苦嘅口感冲撞非常惊艳，
无谂过呢个配搭系咁正！
另一杯嘢饮叫咗「棉花糖朱古力奶昔」（$88），
呢杯奶昔造型真系一百分！好适合打卡，好鬼梦幻！
大棉花糖系以前去夹糖最经典果款，而铺喺朱古力面上嘅系爆炸棉花糖，食落十分过瘾！
而朱古力系用Movenpick雪糕打成，好有诚意，甜度十足！
到嘢食喇，餐厅先上咗两个餐包，
配上意大利黑醋同橄榄油，开一开胃先！
我哋先叫咗一客「蓝青口」（$178），
呢个青口真系不得了！首先佢系劲大盘，入面有数不尽嘅青口，
而两款青口有唔同嘅口感味道，白青口较为Creamy、易入口，
黄青口就较实净，海鲜味较浓，配上烟肉忌廉汁，成件事又开胃又好食！
另外仲有四块香脆蒜茸包配衬。
跟住就到正餐喇！我哋叫咗一客「蘑菇汁带子幼面」（$148），
蘑菇汁打得十分浓稠，配上自家制嘅幼面，食落好烟韧弹牙，
系平时好少食到嘅意大利面质感，
而刺身带子用火枪烫过，有淡淡嘅焦香，同时又保留咗食材嘅鲜味，
成个面味道均衡，又非常饱肚。
之后就系「烟熏9安士肉眼扒」（$238），
呢块扒真系超抵食！我哋叫咗五成熟，牛扒一上碟有用蜡烛热住，
保存温度，非常贴心。
食嘅时候可以配合上面嘅香草牛油，牛扒一入口，
既有烟熏嘅香味，同时又有极浓重嘅牛味，
而松散嘅肉质加上牛油就变得更得顺滑，牛脂同油脂一同喺口腔溶解，
香气十足，真系令人感到无限满足。
旁边有海盐同烧汁可以配搭，但就咁配牛油已经非常出色！
牛扒仲有跟埋薯条，配黑松露酱或者茄汁，一定够饱！
最后食咗个「梳乎厘」（$188）做甜品，
一嚟到真系吓亲！咁巨型嘅！
应该都够四个人食，不过我哋两个人都系食晒，
因为实在太好食喇！蛋香出众，而且就打得好绵滑，
令人忍唔住一啖又一啖咁食晒佢！
呢间餐厅比想象中更加出色，而且性价比真系好高，好值得一试！
张贴
