御名園

营业中

休息中

约咗朋友食晚饭一直都想试吓中菜，于是我哋试吓御名园。装修环境靓，地方亦都宽敞坐得舒服。1. 姜葱南非鲜鲍鱼（2只）鲍鱼做紧优惠价、每只鲍鱼都几大只。第一次姜葱鲍鱼、味道几特别、爆香蒜蓉再配上新鲜原只鲍鱼、只能用爽口形容。2. 半斤豉油王大海虾大海虾材料新鲜唔再讲，配上豉油王嚟整加少少葱、味道入晒落虾肉度，为咗令到更加入味，虾分开咗两边，超正。3. 龙凤配 - 金汤焗西澳洲龙虾伊面 西澳洲龙虾肉多肉汁鲜嫩，最欣赏嘅系每旧龙虾都有好大旧肉，伊面吸收晒龙虾鲜味同埋上汤嘅味。绝对一流。值得一提嘅系佢哋龙虾份量都好多。4. 黄金脆皮文昌鸡半只皮香脆、鸡肉嘅肉汁亦都锁住咗、配上特制嘅酱汁。正5. 金蒜银丝蒸蛏子 - 两只 蒜蓉整得好好，用嚟提升左圣子嘅味道6. 黑松露菌炖土鸡汤、姬松茸炖翅群汤同朋友叫咗两碗汤试吓，黑松露𠮶碗个味道会浓d，令一碗会冇咁浓味。两种汤嘅火候都好足够，真材实料。物超所值。7. 拾味椒盐鱿鱼须 -小食椒盐鱿鱼须香脆可口，佢椒盐份量刚刚好。唔会好咸、亦都炸得好松脆。店员好好礼貌、会主动介绍有啲咩好食同比建议、主动帮你换碗碟，亦都会问返你意见味道如何。