浪人日本料理 (已結業)

又来中环食饭啊，通常系呢边都系去酒吧，但系今日真系好想食日本野，所以就同朋友去咗呢间都几出名嘅浪人日本料理食dinner 店员非常有礼貌地带我地坐低咗，见到枱与枱之间有竹帘间隔住，比客人足够ge私人空间，呢点真系好中意。见到餐牌都有各式ge日本料理，店员都有推荐几款食物比我地。最后落完order就慢慢等食物到啦。极上寿司抵食，又多款式嘅极上寿司真系必叫，上面仲有浪人卷，本身单叫都2百几。所以呢一个寿司拼盘真系好抵食。味道当然系唔洗讲，都系新鲜ge刺身，配合餐厅用赤醋饭黎做寿司饭，特别之余，更加令成个寿司ge味道升级另外都叫咗牡丹虾刺身，超新鲜嘅牡丹虾，最令我惊喜嘅系餐厅会帮我地免费张虾头拎去炸，炸的啱啱好，全个虾头都可以食埋又唔会好油，松化嘅口味真系好好食，咁样计返真系超级抵！！火炽生牛肉系将顶级ge牛肉表面轻轻用火烧过，但入面又系生ge状态，食入口有2种不同ge感觉，味道层次复杂。舞茸酱煎蚝入边嘅舞茸酱嘅味道好香配埋煎蚝一流，舞茸酱非常浓烈ge菌类味道，好香，蚝更加系煎得非常香口，有dd金蚝ge感觉，下面仲有件非常淋滑ge白萝卜，吸收晒d舞茸汁ge精华，好好食。