大喜屋

营业中

休息中

今日难得闲日中午唔使返工，约咗朋友一齐去沙田行街，大家都未食早餐，所以我哋都想食放题～第一次试沙田嘅大喜屋，估唔到环境会咁大咁阔落，最紧要系午市都好多人食～价钱都唔贵$248一人（要加一），一黎梗系叫啲刺身食吓先啦，所有款式嘅刺身都好新鲜！估唔到生虾都有三款拣（泰式、虎虾、甜虾），然后见到唔同嘅中式小食都胆粗粗试下！点知喜出望外，金汤慢煮鲍鱼花胶盛真系好足料，以往食花胶好惊有沙，呢一款完全冇，好惊喜👍🏻中式仲有个重点推介，虾球伊面，份量少少哋，最啱放题食，虾球大粒，伊面有浓浓既上汤汁包住，我地叫左两次！而且估唔到会有咁多榴梿嘅小食，我个人就好钟意啦，试咗烤榴梿、榴梿椰皇奶冻，两款都榴梿味十足，奶冻好滑！跟住仲要分享吓寿司，左口鱼边同埋玉子烧系重点推介！唔会因为系放题而卖相求其～金蒜炭烧广岛蚝又系令我好回味，绝对系大粒份量足，蒜香再经炭烧出炉，非常惹味！出面小食嘅部份都好丰富，饮品有茶、汽水、酒精饮品！甜品有蛋糕、豆腐花、乳酪、雪糕！仲有好多热食、汤饮，真系大人细路都啱！最紧要系呢个价钱可以食到咁多嘢，一个午餐都试唔晒，我下次一定会夜晚约朋友再嚟！🍽 大喜屋 (沙田店)📌 沙田沙田正街2