潮食街 (已結業)

今日女朋友生日，噉就谂住揾一间自助餐同佢庆祝一下，揾一间近屋企附近又未食过嘅自助餐，谂住去试下，我哋都提早咗到噉大约六点到咗，侍应话六点半先开始，可以食到九点半。一入去感觉都唔错，啲台凳就比较矮，第一时间去攞嘢食先刺身类，野就真系唔系好新鲜。啲甜虾我未食过咁细只嘅，细到我都唔识形容，其他刺身都系唔系太新鲜，佢亦都有蒸点心但估唔到系出边𠮶啲鱼肉烧卖，海鲜类都比较差，啲虾亦都唔咪好新鲜，长脚蟹又比较细只，开咗出嚟都冇乜肉食，比较好系翡翠螺唯一似样少少就系个佛跳墙。同埋有碗蛇羹食，中菜嚟直情唔使食，佢哋话我啲烧和黄牛，同埋羊架真系好难食，我食咗一啖就唔要，总括来讲呢间嘢嘅质素出边比较贵嘅放题都好过佢如果75折后都要400几蚊一位，我觉得出边会有更好嘅选择。