牛站(駅)麻辣火鍋放題

营业中

休息中

［📍 观塘｜牛站（駅）麻辣火锅放题 ］位于观塘亚太中心既牛駅非常出名，120分钟任饮任食，今次叫左美国极黑和牛套餐性价比最高，而且员工服务态度非常好，真系食得满足又舒服。一黎到见到自助区已经好多野食，菜类品种好多，值得推介既系豆苗，劲新鲜，绿油油咁。仲有劲大条既蟹柳、超级多唔同款式既丸类、甜品、冷热饮品、仲有新鲜热辣既响铃同埋炸馒头、熟食仲有肉燥饭同埋小龙虾等等。打边炉最紧要系个汤底，叫咗牛駅秘制麻辣锅同埋香浓蕃茄猪骨汤，麻辣锅好足料叫咗小辣都有啲顶唔住，另外一个唔辣嘅蕃茄猪骨汤，香浓嘅蕃茄味带出食材嘅鲜味，绝配。美国极黑和牛套餐嘅牛肉，分别系有美国极黑和牛、美国安格斯牛板腱同埋美国肩胛肉，呢三款牛已经绝对够食，钟意有油香、牛味嘅或者入口即溶既，啲三款已经满足晒所有要求。另外仲想推介佢嘅熟食，佢嘅乳鸽非常之出色，十分Juicy，佢嘅芝麻鸡翼炸得好香脆，咬落仲有好多汁。人均298，任饮任食两小时，性价比真系好高。