Bove (已結業)

食左个难食晒既花枝丸($18)同正常既黑椒牛丸($8)之后，又轮到我既甜品时间啦，去左食我钟意既梳乎厘班㦸。本来谂住要朱古力或宇治抹茶味，但只剩低原味同伯爵茶味，第一次食就梗系拣原味啦。即叫即整，如果要忌廉记得落单要讲明，我就唔要。攞到手自己可以加枱面上三支唔同既酱：蜜糖、焦糖、朱古力，我就加左朱古力酱。班㦸有两大件，本身已经有甜味，食落口感软绵绵，入面好湿润，唔会斋食到空气，有蛋香味，我超钟意食，下次一定要食埋其它味。只系俾$32就食到甘高质既梳乎厘班㦸，真心推介。