一起食堂 (軒尼詩道)

营业中

休息中

系湾仔区食野都好似愈黎愈贵咁，呢间湾仔性价比高嘅台湾餐厅，d野大份好似食极都仲有咁餐厅环境几舒适，气氛有种亲切感，坐得都几舒服。烫青菜 $30黄金芋泥球 (4粒) $42 小食都唔错，叫左个芋泥球，即时炸起出黎。咬落去个外皮劲脆身，好多芋泥个味道好香。入面有咸蛋黄酱流出黎，成粒波波食落唔会好腻，系几特别。红烧三宝牛肉面 $102 三宝系有牛腱牛丸同牛肋条，个汤睇落唔多油所以都几岩饮下。牛高汤嘅汤头，蕃茄嘅香味几浓，微微嘅辣香更加开胃。面身系手工乌冬，食落弹牙。配菜有萝卜同青菜，不过白萝卜有根就比较可惜，希望下次会改善下啦。浓豆乳鸡乌龙面 $89豆乳汤底几香浓几清香嘅豆香味，好似饮紧豆浆咁，饮落几舒服。鸡件卷左一旧旧，食落嫩滑，应该似系慢煮出黎所以先可以咁嫩，而且做成鸡卷咬落更加有口感。珍珠奶茶 +$14 芋圆仙草冻(迷你) +$14杯珍奶d珍珠几好食几烟韧，不过建议大家饮唔惯茶底浓的话可以选择半糖可能会好d。另外个仙草冻唔算迷你，好多3色芋圆系入面，加左d花奶一齐食，满足左我想食甜品嘅胃欲。