大瀛喜日本料理 (已結業)

好耐冇食过放题喇，于是星期一晚放工就走咗去食旺角呢间放题，我星期一晚六点几去到，我已经算系早收工，但系入到去间餐厅已经坐咗一大半人喇，果然这间餐厅好受欢迎。噉我入到去见到个餐牌已经不断点野食，点完唔够五分钟，啲野食已经开始来啦，速度之快真系令到我有惊喜，试咗几样嘢食之后，原来样样野食都唔错个㖞。我自己最特别推介，就系烧海虾，鸡软骨，蜜糖鸡翼，超好食必食推介。嘢饮方面我觉得呢间餐厅都几贴心嘅，因为除咗有冻饮之外，仲有热饮架，热饮有竹蔗茅根，维他奶，豆浆。另外呢度仲有个贴心位，就系当我想用纸巾抹手嘅时候，竟然发现原来每一台都会有包纸巾喺枱上边嘅，值得一赞啊。整体嚟讲呢间餐厅真系好抵食，埋单都系每人240元，性价比超高的放题。