影片
更多
2022-01-30
314 浏览
竺扶大班烧味 @ 湾仔听讲湾仔有一间由蓝带厨师主理既烧味餐厅，网上评语都唔错，想食好耐🥰！今日终于有机会黎试到啦！估唔到lunch time都咁多人排队等紧外卖，堂食亦满晒座，睇黎真系好受欢迎！一场黎到紧系要试下全港首创既餐厅招牌菜《黯然销魂鸳鸯饭》，分别系有半肥瘦叉烧、冰烧凤凰鸡同埋煎双蛋，另外配上大将烧肉汁同埋凤凰辣汁！佢既卖相真系吸睛，烧到有㶶边叉烧肥瘦适中，食落肉质几软身，肉味又够晒浓郁，睇番先知原来系用左波兰黑豚肉，唔怪得咁好食咁惹味😆！ 美中不足既系叉烧切得唔系好均匀，部分比较厚身部分薄身，同朋友出现左小小争食既情况哈哈哈🤣！除左叉烧之外，佢既凤凰鸡都系好嫩滑，配上餐厅秘制既凤凰辣汁，酸酸辣辣咁，系唔食得辣既都适合既辣度，而且全部都系冇骨架！呢点对于我呢种懒人黎讲真系加晒分😂值得一试👍🏻另一份系店员推荐既古井烧鹅拼烧腩仔饭，果然冇介绍错，真系好好食！首先佢个烧鹅皮真系好脆，鹅肉嫩滑多汁；识食烧腩仔就一定追求脆皮，餐厅做到咬落去系好脆口，甚至系我试过最脆既烧腩仔皮，真系好惊艳！同时，佢既烧腩仔肉质嫩滑，有肥有瘦，稍微偏咸左少少，整体而言都好味😍是日老火汤系青红萝卜猪骨汤，煲得
竺扶大班烧味 @ 湾仔
听讲湾仔有一间由蓝带厨师主理既烧味餐厅，网上评语都唔错，想食好耐🥰！今日终于有机会黎试到啦！估唔到lunch time都咁多人排队等紧外卖，堂食亦满晒座，睇黎真系好受欢迎！
一场黎到紧系要试下全港首创既餐厅招牌菜《黯然销魂鸳鸯饭》，分别系有半肥瘦叉烧、冰烧凤凰鸡同埋煎双蛋，另外配上大将烧肉汁同埋凤凰辣汁！佢既卖相真系吸睛，烧到有㶶边叉烧肥瘦适中，食落肉质几软身，肉味又够晒浓郁，睇番先知原来系用左波兰黑豚肉，唔怪得咁好食咁惹味😆！ 美中不足既系叉烧切得唔系好均匀，部分比较厚身部分薄身，同朋友出现左小小争食既情况哈哈哈🤣！除左叉烧之外，佢既凤凰鸡都系好嫩滑，配上餐厅秘制既凤凰辣汁，酸酸辣辣咁，系唔食得辣既都适合既辣度，而且全部都系冇骨架！呢点对于我呢种懒人黎讲真系加晒分😂值得一试👍🏻
黯然销魂鸳鸯饭
11 浏览
0 赞好
0 留言
另一份系店员推荐既古井烧鹅拼烧腩仔饭，果然冇介绍错，真系好好食！首先佢个烧鹅皮真系好脆，鹅肉嫩滑多汁；识食烧腩仔就一定追求脆皮，餐厅做到咬落去系好脆口，甚至系我试过最脆既烧腩仔皮，真系好惊艳！同时，佢既烧腩仔肉质嫩滑，有肥有瘦，稍微偏咸左少少，整体而言都好味😍
是日老火汤系青红萝卜猪骨汤，煲得好有屋企既味道，用料亦相当足，真系用左唔少肉去煲，估唔到可以系外面都饮到住家汤既味道😘
最后讲讲餐厅环境，餐厅门面大大个金色招牌都几吸引，而且挂满左各式各样既好有光泽既烧味，真系睇到都想食😋餐厅室内环境都系以金黄色为主，最吸睛系厨房出面竟然放左一座由新城电台颁发既奖杯🏆，果然犀利！
整体黎讲餐厅既性价比十分高，两个人都只系$132，属于一定会再试既餐厅！👍🏻
张贴
