慢煮工業 (已結業)

粮尾又想出街食饭可以考虑下呢间良心慢煮店，有唔少价钱相宜嘅选择，当然都有猪手、肉眼扒等，丰俭由人。餐厅挂上唔少霓虹灯装饰，灯光偏暗，提供多款手工啤，好啱放工后黎小酌。🍽法式芝士香茄焗薯本来以为系焗盘上，原来系的骰嘅薯仔塔，入面夹左番茄粒，配黑醋汁几得意。🍽美式芥末猪仔脾猪仔脾啖啖肉，慢煮所以肉质唔鞋，外层搽左甜甜嘅烧汁，再加少少芥末吊味，唔错。🍽龙虾汁香蒜大虾意粉意粉用煲仔饭嘅砂锅上几搞怪，有两只弹牙嘅香煎虎虾，意粉同洋葱、三色椒、杂菇等一齐炒，个汁蒜味较突出。🍽芝士烟肉薯条邪恶嘅芝士烟肉薯条压轴出场，份量好大，薯条铺上厚厚嘅芝士同洒上烟肉粒后拎去焗，无可能唔好食。🍺Sleenbrugge Dubbel Bruin (Bel)（6.5%）餐牌有超过十款手工啤，花多眼乱，有带花香嘅，亦有水果味，我地拣嘅呢款比利时啤酒好浓麦味，用黎配红肉唔错。