影片
更多
5天前
0 浏览
老公生日想喺观塘地铁站附近揾间西餐厅庆祝，上openrice见呢间喺裕民坊YM² 嘅Plato Cafe好似唔错就提前打电话book位庆祝。嚟到YM²上平台层，原来好多餐厅，同埋都环境都几舒服，下次有机会试埋YM² 其他餐厅先得！讲返正题，嘅间餐厅环境舒适，卡位又舒服，坐低我地就叫咗个至尊二人套餐$546，配是日餐汤同另一碗加咗$38升级做法式蟹肉龙虾汤：法式蟹肉龙虾汤 +$38呢碗法式蟹肉龙虾汤畀想像中大碗，成碗汤嘅颜色系深橙色，一放低已经闻到一阵浓郁嘅鲜味，饮落去真系坚有龙虾&蟹肉味，口感算丰富，鲜甜！汤仲加咗d香草调味，提升咗层次，大大碗，一碗都已经足够我地两个人饮，唔错！风干火腿伴哈蜜瓜沙律：呢个沙律前菜卖相劲吸引。首先，风干火腿切成薄片，色泽红润有光泽。哈蜜瓜切成大大件厚件，够新鲜。沙律中包括咗沙律菜、生菜、黄瓜片、紫洋葱丝同埋番茄仔等等，色彩缤纷，摆盘劲靓，睇到都好开胃。风干火腿嘅咸香同哈蜜瓜嘅爽甜系绝妙嘅对比，每一啖都充满咗层次感，淋喺面嘅汁浓郁而不抢味，为整体风味增添咗一层细腻嘅味道。呢碟「风干火腿伴哈蜜瓜沙律」唔单止喺味觉上令人满足，视觉上亦非常吸引，系一道非常值得推
嚟到YM²上平台层，原来好多餐厅，同埋都环境都几舒服，下次有机会试埋YM² 其他餐厅先得！
讲返正题，嘅间餐厅环境舒适，卡位又舒服，坐低我地就叫咗个至尊二人套餐$546，配是日餐汤同另一碗加咗$38升级做法式蟹肉龙虾汤：
法式蟹肉龙虾汤 +$38
呢碗法式蟹肉龙虾汤畀想像中大碗，成碗汤嘅颜色系深橙色，一放低已经闻到一阵浓郁嘅鲜味，饮落去真系坚有龙虾&蟹肉味，口感算丰富，鲜甜！汤仲加咗d香草调味，提升咗层次，大大碗，一碗都已经足够我地两个人饮，唔错！
风干火腿伴哈蜜瓜沙律：
呢个沙律前菜卖相劲吸引。首先，风干火腿切成薄片，色泽红润有光泽。哈蜜瓜切成大大件厚件，够新鲜。沙律中包括咗沙律菜、生菜、黄瓜片、紫洋葱丝同埋番茄仔等等，色彩缤纷，摆盘劲靓，睇到都好开胃。
风干火腿嘅咸香同哈蜜瓜嘅爽甜系绝妙嘅对比，每一啖都充满咗层次感，淋喺面嘅汁浓郁而不抢味，为整体风味增添咗一层细腻嘅味道。呢碟「风干火腿伴哈蜜瓜沙律」唔单止喺味觉上令人满足，视觉上亦非常吸引，系一道非常值得推荐嘅前菜，劲有诚意!
澳洲肉眼牛扒：
肉眼扒我地叫咗五成熟，牛扒上枱嘅外表呈现出金黄色嘅烧烤纹理，睇落吸引。切开后睇到内部系粉红色嘅，正正系五成熟嘅完美状态。牛扒肉质鲜嫩，烧烤得恰到好处，配上浓郁嘅汁，味道更加丰富，每一口都能感受到肉眼扒嘅柔嫩！呢块扒无论系视觉or味觉上都令人满足！
另好欣赏佢地每道主菜旁边都配有大量沙律，沙律菜新鲜爽口，为整道菜增加咗一层清新嘅口感同可以分解油腻！仲有一个用锡纸包住嘅焗薯，加埋d蛋黄酱同啲香料，唔错同几可以饱肚。
西班牙黑毛猪鞍：
呢道黑毛猪卖相都样好吸引，一样系猪鞍烤到金黄色同埋表面有香脆感。旁边有样配上大量色彩缤纷嘅沙律菜同焗薯，我钟意！
而西班牙黑毛猪鞍肉质都算嫩，表面煎得香脆，内里唔鞋口，猪鞍肉有少少猪香，猪鞍底仲配咗d 苹果蓉，再夹埋猪鞍肉一齐食又解腻又可以吊出猪鞍肉嘅好味，不错！
牛角窝夫伴雪糕 + $28
我地加咗$28升级咗其中一个甜品做呢道甜牛角窝夫伴雪糕 ，真系又睇得即又食得。因为老公生日，一早book位时通知咗餐厅帮我喺甜品碟上写字，点知又惊喜有埋蜡烛送上，店员又好醒，最后神秘地送上甜品到我老公眼前，有心思！
牛角窝夫嘅质感外脆酥软，应该就系牛角包压为窝夫，每一口都系脆卜卜，好味过普通传统嘅窝夫。雪糕嘅冰凉同窝夫嘅暖热产生咗一种独特嘅口感对比，加埋士多啤梨酱嘅酸甜味形成咗完美嘅对比，我地食完一口又一口，一分钟清咗呢个甜品，赞赞赞也，无论系味道定卖相都令人好满意，推！
芝士蛋糕：
而跟餐嘅芝士蛋糕卖相都吸引，芝士蛋糕味道唔太浓，有奶香，红色嘅微酸果酱平衡咗芝士肥腻，同碎果仁同d 卜卜脆粒一齐食增加咗一层脆口嘅感觉！
另餐饮叫咗冰果茶 & 热嘅抹茶鲜奶就结束嘅个丰富嘅晚餐啦。
总括嚟讲，餐厅环境舒适，员工服务态度劲好之余仲又劲有礼貌，而食物价钱都性价比高，喺观塘绝对系一个唔错嘅选择，下次会同其他朋友再嚟食👍🏼👍🏼👍🏼👍🏼
张贴
