樂天皇朝 (已結業)

我今次好耐冇食过中餐，今次系朋友推荐， 因为呢间嘢价钱可以接受到，而且还境好阔落，座位舒适，食物种类都好多，所以好值得一试 。嚟到乐天皇朝当然一定要叫个八种味嘅招牌小笼包，佢分别有原味， 人参，芝士 ，蟹粉 ，香蒜，麻辣， 鹅肝，黑松露嘅味道 ，跟住指示一层层咁食上去， 每种味道都好吸引，好香口。最尾嘅麻辣味更加系画龙点睛 ，其他味真系成世都未必有得试，例如鹅肝味小笼包，同黑松露味小笼包。 鹅肝味估唔到同小笼包嘅汁同埋猪肉嘅味系夹㗎。另外我哋叫咗醉鸡， 虽然我哋冇叫到鸡脾，但系啲鸡肉都整得好滑， 酒味都好香浓， 整得算唔错。我哋仲叫咗上海风味酱鸭， 味道都叫做系第一次试 ，好特别， 而且系好惹味。椒盐小黄鱼都唔错㗎，佢一条已经系好大条，鱼肉嘅肉质好嫩滑， 层鱼皮好脆口，令到成个𩠌菜都好有口感，再加埋上面嘅葱同埋蒜头炒得好香，增加晒成个味觉层次感。我哋仲叫咗葱油饼添热，辣辣好好食，仲好饱！甜品方面，我哋仲要咗擂沙汤圆同埋香煎豆沙锅饼。擂沙汤圆层面粉充满口感，上面啲粉都系令到啲汤圆好有香味。豆沙锅饼层皮炸得非常脆，真系一流，仲要好够热。里面嘅豆沙嘅料有超多，简直系大满足！