Lockeroom Dining (朗晴坊) (已結業)

今日系星期日，所以去咗旺角呢间食过几次嘅西餐厅，慰劳下辛苦左成个星期嘅自己（因为印象中佢哋食物质素高，餐厅服务都唔错）去到见到佢哋个餐牌同上次又有少少唔同，决定试吓新野，我叫咗个脆炸吉列美国大鸡脾扒配意粉。呢个餐有埋蒜蓉包同埋南瓜汤，个南瓜汤入面啖啖南瓜，啱晒我。过咗冇耐佢个吉列炸鸡扒都整好，送到上黎都有少少惊讶，因为块鸡扒非常大块，诚意十足。鸡扒外脆内嫩，煮得恰到好处。甜品叫咗个橘子白朱古力加淡芝士蛋糕，佢个橙味好出，食落唔会太甜。但系同我上次黎食既疏乎厘班戟比，就稍为逊色。今次黎食野，佢地职员一如既往服务好好，下次会再嚟