爆丼丼 (已結業)

之前食过旺角相当似既丼饭餐厅，听朋友介绍爆丼丼性价比更高，于是前来一试。位置都少少稍远，地铁站行都要十分钟路程。是日到达大约6:45左右，场内得数枱客人，同之前朋友所讲要排好耐有好大对比。食黎食之前都有做下资料搜集，短短数个月，由$188加到$208。不过咁多海胆，价钱上黎讲都唔算十分贵，同埋睇图份量好似都好多，所以都叫左个黎试。另外睇其他食家介绍，我地都叫左个粒粒鱼生丼。价钱唔贵，只系$8X上到枱，心谂，咁细既。图片果然只供参考。不过野食始终味道最紧要。海胆一般，应该系用左几只唔同既海胆。有几条特别鲜甜，有几条就中晒伏咁好重腥味。吞拿鱼蓉不过不失，带子应该一开二，所以比较薄，食落无咩口感。反而三文鱼籽好有惊喜，好有鲜味，不停咁想再食，用黎捞醋饭非常夹。鱼生丼$88个人认为十分抵食，份量好多，呢个就真系有爆丼既感觉啦。鱼生都食得出新鲜，希灵鱼好好食，性价比十份高。个人认为粒粒鱼生丼更值得一试。至于$208既四重爆丼，我相信市面会有其他更好的选择。