丼瀛 (已結業)

放左工同honey去佐敦恒丰中心波鞋outlet睇波鞋，波鞋就拣唔啱，但突然想食日本野，就开「开饭」睇吓附近有咩好食，见到呢间食评唔错，就行10分钟过到嚟庙街喇~一嚟到就被S2筑地寿司杯吸引咗，因为有齐我哋至爱嘅牡丹虾、海胆、三文鱼，仲有矶煮鲍鱼﹗头三样都好新鲜，牡丹虾够大只，海胆味道甘甜，有入口即溶嘅感觉，三文鱼够晒肥美，矶煮鲍鱼又够弹牙，另外嘅吞拿鱼蓉味道都唔错，令平时唔钟意食吞拿鱼嘅我都要争住食﹗净系食寿司杯又点可以满足我哋食刺身嘅心呢﹖我哋仲叫咗丼瀛丰盛爆丼，因为有带子、海胆同埋比目鱼﹗带子中间夹住几片柠檬，令带子充满柠檬香味，感觉好清新。第一次食无灸烧过嘅比目鱼，原来都系入口即溶架~食完一旧有幸福嘅感觉﹗食完丼饭原来下面仲有冷面，原来系蒟蒻冷面，都好弹牙爽口架wor﹗食咗咁多生冷野梗系要食番D热野啦﹗叫咗烧明太子鸡翼、烧牛舌，鸡翼里面酿咗明太子，但略嫌味道唔够，牛舌都算厚切，又弹牙，唔错﹗其实食咗咁多饭已经好饱，眼阔肚窄嘅我哋仲有个安格斯牛肉寿喜锅未食，汤底甜甜地，好多料，仲有好似薯粉嘅面，索晒汤底精华，食完劲暖胃，啱晒食完咁多冻野先食﹗呢度仲有一个好贴心嘅服务，就系每当我想