影片
更多
2021-12-12
50 浏览
呢排天气都非常凉爽，好适合出远门，近呢几年都无去过长洲，所以今日就过嚟放松一下。提起长洲，好多人都会谂起佢嘅大鱼蛋同芒果糯米糍等，但当我行完食完呢啲特色小食之后，都系想坐低慢活一下，就突然谂起长洲海鲜都系香港食海鲜嘅推荐地方之一，出名又平又好食，所以就行到去码头沿岸一带嘅「海鲜街」度觅食吓。去到海鲜街一带，即使系下午时份，聚集人流都好多，而且沿途叫卖嘅声音都系此起彼落。兜兜转转之下，我哋去到呢间「新潮发海鲜菜馆」，餐牌上面嘅套餐好多款式同埋相当吸引，而且餐厅几乎坐满哂人，但刚巧有个空嘅位置可以对住海景，所以我哋就决定毫不犹疑选择佢。餐牌上面无论系海鲜定系小菜嘅菜式选择都花多眼乱，而且价钱超值，有唔同价位嘅套餐可供选择，套餐可以自由搭配小炒，肉类或者海鲜等，最后我哋选择咗$328 四𩠌套餐。落单后，侍应姐姐就已经将一大盆栗米鱼肚羹放喺我哋面前，原来点菜后就会有汤羹同油菜送埋，加埋即系$328会有六款嘢食，真系觉得非常惊喜。🔸栗米鱼肚羹(免费)：我哋3个人每人足足可以分到各2碗，又大又足料。而且虽然系跟餐送，但系质素绝对唔错，汤羹够哂竭身，栗米香甜，里面鱼肚份量够多之余又够爽口，真材实料。
提起长洲，好多人都会谂起佢嘅大鱼蛋同芒果糯米糍等，但当我行完食完呢啲特色小食之后，都系想坐低慢活一下，就突然谂起长洲海鲜都系香港食海鲜嘅推荐地方之一，出名又平又好食，所以就行到去码头沿岸一带嘅「海鲜街」度觅食吓。
去到海鲜街一带，即使系下午时份，聚集人流都好多，而且沿途叫卖嘅声音都系此起彼落。兜兜转转之下，我哋去到呢间「新潮发海鲜菜馆」，餐牌上面嘅套餐好多款式同埋相当吸引，而且餐厅几乎坐满哂人，但刚巧有个空嘅位置可以对住海景，所以我哋就决定毫不犹疑选择佢。
餐牌上面无论系海鲜定系小菜嘅菜式选择都花多眼乱，而且价钱超值，有唔同价位嘅套餐可供选择，套餐可以自由搭配小炒，肉类或者海鲜等，最后我哋选择咗$328 四𩠌套餐。落单后，侍应姐姐就已经将一大盆栗米鱼肚羹放喺我哋面前，原来点菜后就会有汤羹同油菜送埋，加埋即系$328会有六款嘢食，真系觉得非常惊喜。
🔸栗米鱼肚羹(免费)：
我哋3个人每人足足可以分到各2碗，又大又足料。而且虽然系跟餐送，但系质素绝对唔错，汤羹够哂竭身，栗米香甜，里面鱼肚份量够多之余又够爽口，真材实料。
栗米鱼肚羹
2 浏览
0 赞好
0 留言
🔸生菜(免费)：
好多小菜馆所赠送嘅大多数系会有菜黄或者边位有烂嘅情况出现，但呢碟生菜有惊喜，大碟得嚟生菜亦够新鲜爽口，虽然稍为有少少偏油，但仍然保持到翠绿，喺可以接受嘅范围内。
生菜
5 浏览
0 赞好
0 留言
🔸蒜蒸蛏子：
系小型品种嘅纯蛏子肉配蒜蓉粉丝蒸，底部以空壳垫高，蛏子肉爽口新鲜无霉味，上面铺满粉丝同蒜蓉，粉丝吸收哂蒜茸同埋汁料嘅香味，非常惹味。
蒜蒸蛏子
7 浏览
0 赞好
0 留言
🔸避风塘鱿鱼：
一上枱香气四溢，非常吸引，上面嘅避风塘蒜茸炸得恰到好处，每一旧嘅外皮都炸得脆口又啱啱好，肉质又够哂爽弹。食完鱿鱼仲可以逐粒蒜蓉夹起食，好滋味。
避风塘鱿鱼
0 浏览
0 赞好
0 留言
🔸肓𫚧(清蒸/豉汁)：
个人都几喜欢食肓𫚧，肓𫚧系一般小菜馆里面好常见，但听老一辈讲，肓𫚧鱼一定系即捞上即食，先可以品尝到佢最正宗嘅味道，肉味会好鲜滑，如果隔夜就会无咁美味。呢度嘅肓𫚧食落肉质嫩滑，我哋拣咗豉汁蒸，但豉汁蒸都无遮盖到佢鱼嘅鲜甜味道，所以必然系新鲜嘅。
肓𫚧
1 浏览
0 赞好
0 留言
🔸椒盐骨：
镬气非常足够，炸得干爽无油之余又新鲜热辣，啖啖肉又够香，味道适中唔会过咸，连旁边嘅洋葱丝都好好食，系一种好传统小菜店里面生炒椒盐骨嘅味道。
椒盐骨
0 浏览
0 赞好
0 留言
呢四道小菜份量唔算话好多，大约系例牌嘅份量左右，胜在一次过可以品尝到好多唔同海鲜，明码实价，选择亦多，而且质素亦有一定水准，性价比非常高。海鲜街里面有咁多间海鲜小菜馆，都有一定嘅竞争，但呢度嘅质素系令人感到可以再次Encore，而且店员服务相当殷勤，整体感觉满足。
张贴
