家嫂一家大小

营业中

休息中

呢间火锅店性价比真系高，如果你系大胃王直头系超级抵食。佢虽然平均每位要四百几蚊落楼，不过已冇限时兼海鲜任添其实真系好抵，我哋当日就由6:30食到10点，可以一边食一边倾吓偈唔使赶头赶命其实都唔错。先讲一讲佢啲海鲜，其实佢个餐仲包埋日式刺身同埋鸡煲，食完呢两样嘢之后佢哋就会上海鲜拼盘，当日有嘅海鲜都差唔多摆晒落去，等你可以试咗一转之后睇吓边啲正可以再encore。我哋就叫咗几转鲍鱼、蟹、贵妃蚌同埋蚝，佢呢度上菜嘅速度都唔错，唔会因为你叫贵嘢就叫极都唔上俾你。佢啲肉嘅质素都唔错，同海鲜一样，一开头会有碟拼盘，然后你就可以按照你嘅喜好再加点。